ترک اولکهلری نینگ یولباشچیلاری استانبولدا مصلاحت گچیردی
ترک یورتلاری نینگ غوراماسینه آعضا بولان یورتلارینگ یولباشچیلاری نینگ مصلاحتی استانبول ینگ دموکراسی و ارکینلیک آداسیندا گچیریلدی.
مصلاحتینگ آچیلیش داباراسیندا چیقیش ادن ترکیه نینگ جمهورباشلیغی،
“ترکیه حکمنده، بیله لیکده ایش آلیپ بارماق اوچین ترک دولتلری غوراماسی نینگ سیویل (غیرنظامی) غوراغ مکانیزمی نینگ غورالماغینی تِکلیپ ادیأریس” دیدی.
اردوغان ترورچیلیق بیلن سواش مسئله سینه اونس چکدی و “پ. ک. ک- ی. پ. گ، داعش و فتو یالی شر مرکزلری باشدا بولماق بیلن، ترورچیلیغینگ هر حیلینه غارشی گوره شیمیزده توتان یرلیدیرس. بو مسئله ده خدماتداشلیغیمیزی یوقارلاتمالیدیرس” دیدی.
ترکیانینگ جمهورباشلیغی، دمیرقازیق قبرس ترک جمهوریتی نینگ ده ترک دنیاسی نینگ بیر بوله گی بولاندیغینی یاتلاتدی و “ترک دنیاسی نینگ آیریلماز بیر پارچاسی بولان قبرس ترکلرینه ادیلن غاباو و چاکلندیرمه لری ینگیللِتمه ک اوچین سیزینگ غولداوینگیزا ایناینارین. اسلاما و داشاری یورتلیلارا دوشمانچیلیق یالی عصریمیزینگ کِسِلی بولان مسئله لر بیلن گوره شده بیله لیکده حرکت اتمه لیدیرس. ماشغالامیز اوچین دمیرقازیق قبرس ترک جمهوریتینی آرامیزدا گورمه گی اوران آرزوولایارین” دیدی.
ترکیانینگ جمهورباشلیغی، دورت ییلدان بأری ترکیه ده گچیریلیأن تکنوفست ینگ ایندیکی ییلدا آذربایجان دا گچیریلجکدیگینی آیتدی.
ترکیانینگ جمهورباشلیغی، ترکمنستان ینگ جمهورباشلیغی قوربان قولی بردی محمدووا دا مینتدارلیق بیلدیردی و ترکمنستانه بو غوراما خوش گلدینگ دیدی.
