دنیا
تۆرکیأنینگ داشاری ایشلر وزیری کریمه نینگ تاتار تۆرکلری بیلن دوشوشدی
تۆرکیأنینگ داشاری ایشلر وزیری مولود چاووش اوُغلی اوکراینا قوران ساپاریندا لویو شهرینده اوکراینانینگ کریمه یاریم آداسینداقی تاتار تۆرکلری نینگ لویو شهریندأکی وکیللری بیلن دوشوشیق گچیردی.
چاووش اوُغلی کریمه تاتارلارینا تۆرکیأنینگ قوُلداوی نینگ دوُوام اتجکدیگینی بیلدیردی.
تۆرک وزیر “قارینداشلاریمیزینگ حوُوپسوزلیق و بایلیغی اۆچین قوُلداویمیز دوُوام ادر” دییپ آیتدی.
چاووش اوُغلی روسیاداقی دوشوشیقلاریندان سوُنگرا دۆین اوکراینادا ایشدشی دیمیترو کولبا بیلن دوشوشیق گچیریپدی.
تۆرکیأنینگ داشاری ایشلر وزیری بو دوشوشیقدا اوکراینانینگ قاراشسیزلیغی و توُپراق بیتولیگینه قوُلداو بریأندیکلرینی ینه بیر گِزه ک قایتالادی و ساواشینگ دوروزیلماغی اۆچین تاغاللا اتمأگه دوُوام اتجکدیکلرینی نیغتادی.
