روسیا آلتی آیدا فسیل یانغیچلارینگ داشاساتوویندان 158 میلیارد یورو غازاندی
روسیا دینگه 6 آیدا نبیت، طبیغی گاز و کومور داشاساتوویندان 158 میلیارد یورو گیردیجی غازاندی.
روسیانینگ داشاساتوو مقداری آزالسا دا، اوکراینا غارشی ساواشا باشلاماغیندان باری 6 آیدا فسیل یانغیچلارینگ داشاساتوویندان غازانان گیردجیسی بیلن رکورد غویدی.
روسیانینگ اوروپا یورتلارینا داشاساتووی ساواشینگ باشیندان بأری 35 گوتریم آزالدی.
اوروپا بیله له شیگی نینگ آلان روس نبیتی ده 17 گؤتریم آزالدی.
روسیا بو دوورده اینگ کؤپ داشاساتووینی هندستان، چین، امارات، مصر و ترکیه یوقارلاتدی.
روسیانینگ اینگ اولی گیردجیسی 76 میلیارد یورو بیلن چیغ نبیتدن.
روسیا شول دوورده 35 میلیارد یورو طبیغی گاز، 26 میلیارد یورو نبیت اؤنوملری، 13 میلیارد یورو کومور و 9 میلیارد یورو سووقلاشدیریلان طبیغی گاز ساتدی.
روسیانینگ فسیل یانغیجی نینگ بیرینجی مشتریسی 85 میلیارد یورو بیلن اوروپا بیله له شیگی.
6 آیدا دینگه آلمانیا روسیادان 19 میلیارد یورو فسیل یانغیچ ساتین آلدی.
هلند ده 11.1 میلیارد یورو، ایتالیا 8.6 میلیارد یورو، لهستان 7.4 میلیارد یورو و فرانسیا 5.5 میلیارد یورو روسیادان یانغیچ ساتین آلدی.
روسیا قارشی چأکلندیرمهلرینگ باشلاماغی بیلن اوروپا یورتلاری نینگ روسیادان آلیان نبیتی نینگ 90 گؤتریم آزالماغینا قاراشیلیار.
