عبدالقهار بلخی، سخنگوی وزارت امور خارجه طالبان میگوید که هیاتی از این وزارت از قونسلگری افغانستان در بدخشان تاجیکستان دیدن نموده است.
او در توییتی نوشته که این هیات به ریاست حاجی محمد موسی امیری، رئیس مالی و اداری وزارت خارجه از قونسلگری افغانستان در خاروخ، مرکز بدخشانِ تاجیکستان دیدن نموده است.
سخنگوی وزارت خارجه طالبان افزوده که این‌هیأت ضمن ارزیابی امور قونسلگری، تعمیر آن را نیز از نزدیک دیدن نمویده و ارزیابی خویش را جهت بازسازی آن با مقام وزارت امور خارجه شریک کرده‌اند.
به گفته او تعمیر قونسلگری افغانستان در خاروخ، در نتیجهٔ برف‌کوچ‌های اخیر آسیب دیده است.
