اردوغان: قارادنگیزدن چیقاریلان طبیغی گازی 20-نجی آپریل دا یاقماغا باشلاریس
تۆرکیأنینگ جمهورباشلیغی رجب طیب أردوُغان 20-نجی آپریل دا قارادنگیزدن چیقاریلان طبیغی گازی نینگ فیلیوس دا یاقیلماغا باشلانجاقدیغینی آیتدی.
تۆرک یوُلباشچی بیرنأچه تلویزیون کانالی نینگ گؤنی افیردن بریلن پروگرامماسیندا ژورنالیستلارینگ سوُراغلارینا جوُغاپ بردی.
أردوُغان “انرژی پوداغیندا تأزه بوشلوغینگیز بار می؟” دییپ سوُرالان سوُراغا شیله جوُغاپ بردی:
“20-نجی آپریل دا قارادنگیزدن چیقاریلان طبیغی گازیمیزی اولانماغا باشلاریس. قارادنگیزینگ گازینی فیلیوس دا یاقاریس. سوُنگرا دا تۆرکیه یرلی طبیغی گازینی اولانماغا باشلار. اوزاق ییللاردان بأری انرژی پوداغیندا قاراشسیزلیغیمیزینگ اوُدینی شوُل گۆن قارادنگیزدن باشلاپ توُلقون توُلقون بۆتین یوردا یتیرریس”
أردوُغان اسرائیل ینگ حوُوپسوزلیق گۆیچلری نینگ مسجدالأقصی هۆجۆمینی ده برک یازغاردی.
رمضان آییندا ادیلن بو هۆجۆمینگ قابول ادیلیپ بیلینمه جکدیگینی نیغتان أردوُغان،
“مونی داشاری ایشلر وزیرلیگی تاراپیندان تلعین اتدیک، لعنت ایبردیک. من ده سؤزلریمده لعنت ادیأرین. هیچ بیر حوُوپسوزلیق قایغیسی شیله انسانلیقدان چیقیلان مداخله اۆچین باهانا بوُلوپ بیلمهز. مسجد الاقصی نینگ تاریحی یاغدایینا و معنویاتینا، فلسطینلیلرینگ اینانچ و یاشاییش ارکینلیگینه ادیلن مداخله و تهدیتلر دوروزیلمالیدیر” دیدی.
تۆرکیأنینگ جمهورباشلیغی “بیز هر یاغدایدا و هر شرطده فلسطینلی دوُغانلاریمیزینگ یانیندا بوُلماغا و مقدس زاتلاریمیزا ایه بوُلماغا دوُوام ادریس. مونی دا ایسرائیل شیله بیلسین” دیدی.
