ترکمنستانینگ ساغلیغی غوراییش و درمان صناغاتی مینیسترلیگینده نیمیس بیلرمن لری بیلن دوشوشیق گچیریلدی
2021-نجی یلینگ 19-نجی یانواریندا ترکمنستانینگ ساغلیغی غوراییش و درمان صناغاتی مینیستری امان نپسوینگ یولباشچی لیغینداقی ترکمن وکیلیتینینگ اسن ونیوریستیت کلیناسینینگ گیرمانیا انفک سیولوگیا علمی-بارلاغ مرکزینینگ مدیری پروفیسور دوکتر کراوچیک بیلن آنلاین دوشوشیغی گچیریلدی.
دوشوشیغا ترکمنستانینگ ساغلیغی غوراییش و درمان صناغاتی مینیسترلیگینینگ، ترکمنستانینگ علمالار اکادیمیاسینینگ، ترکمن درمان صناغات بیرلشیگینینگ همده ترکمنستانینگ غارییف آدینداقی دولت لوقمانچیلیق وینوریستیتینینگ یولباشچی لاری و هونارمن لری غاتناشدیلار.
مضمونه بای چیقیش لارینگ باریشندا بویان کوکینگ همده اونونگ دوزمونداکی گلیسیریزین تورشوسینینگ کسل لری بجرمکداکی آیراتین لیق لاری دوغروسیندا پیکیر آلیشیلدی.
مالم بولشی یالی، بو سریشدانینگ نتیجه لی لیگی ترکمن همده داشاری یورت عالم لاری طراپیندان غولایدا گچیریلین بارلاغ لار آرقالی تاصیق لاناندیر.
تازه کرونا ویروس پاندیمیاسی بیلن باغلی لیقدا، توتوش دنیاده ویروسه غارشی گورشماگه اوقیپلی بولان یوریته سریشده لرینگ یوزه چیقاریلماغینا همده ایشلنیپ تاییارلانیلماغینا گونوکدیریلن علمی بارلاغ ایشلری خاص هم ایشجنگ لشدیریلدی.
شو نقطه نظردان، عالم لارینگ دگیشلی علمی بارلاغ لاری بویاندان ادیلن درمانلیق سریشده لرینینگ، شیله هم اونونگ دوزومینینگ اهمیتلی بولگینی دوزیان گلیسیریزین تورشوسینینگ بجریش-اونگونی آلیش بابتینداقی گورنتین تاثیرینی تاصیق لادیلار.
بویانینگ کوکی غادیمدان باری خلق آراسیندا یوقارقی دم آلیش یولارینینگ کسل لرینینگ بجرگیسنده گیندن اولانیلیپدیر و اونگین تاثیرینی نظردا توتماق بیلن، ترکمن عالم لاری بویان کوکینگ یوقانچ کسل لرینینگ بجرگیسینداکی اهمیتینی اوران-اوران نیغتایان ترکمنستانینگ پریزیدنتینینگ گورکزمه لرینه لایق لیقدا، بو اوسوم لیگینگ اوز بولشویالی آیراتین لیق لارینی ایچگین اورنمک لرینی دوام ادیارلر.
