أردوُغان نخجوان دا ساپاردا بوُلدی
تۆرکیأنینگ جمهورباشلیغی رجب طیب أردوُغان آذربایجان ینگ جمهورباشیغی الهام علی یووینگ چاقیلیغی بیلن نخجوان دا گۆنۆبیرلیک ایش ساپاریندا بوُلدی.
تۆرک یوُلباشچی علی یف تاراپیندان نخجوان ینگ قوُنالغاسیندا رسمی دابارا بیلن قارشیلاندی.
ایکی یوُلباشچی سوُنگ بوُلسا نخجوان اؤزباشداق جمهوریتی نینگ یوُقاری مجلیسینه گچیپ اؤزآرا دوشوشیق گچیردی.
دوشوشیقدا تۆرکیه بیلن آذربایجان ینگ قاتناشیقلاری و قاراباغ داقی سوُنگقی یاغدایلار باشدا بوُلماق بیلن بؤلگه آرا و گلوبال مسئله لر حاقیندا گنگِهشیلدی.
أردوُغان بیلن علی یف سوُنگرا بوُلسا ایغدیر- نخجوان طبیغی گاز گچیریجی تورباسینا بادالغا بردی.
ایکی یوُلباشچی نینگ باش توتانلیغیندا تۆرکیه بیلن آذربایجان ینگ آراسیندا اۆچ ایلالاشیق شرطناماسینا قوُل چکیلدی.
الهام علی یف بیلن رجب طیب أردوُغان اوُرتاق مطبوغات کنفرانسینی دا گچیردیلر.
تۆرکیأنینگ جمهورباشلیغی بو یرده برن بیاناتیندا “ایغدیر- نخجوان طبیغی گاز گچیریجی توربا پروژه سی آذربایجان بیلن انرژی پوداغینداقی اوُرتاقلیغیمیزی حاص چونگلاشدیرار و اوروپانینگ انرژی حوُوپسوزلیغینا قوُشانت قوُشار” دیدی.
قاراباغ دا گچن هپده گچیریلن آنتی ترور حرکتینه اۆنس چکن أردوُغان، آذبایجان ینگ ارمنی یاراغلی توُپارلارا قارشی قازانان ینگیشی بیلن بیله لیکده بؤلگه ده گینگ گِریملی عاداتی یاغدایا اؤورۆلمه پورصادی نینگ دؤرأندیگینی بیلدیردی.
أردوُغان “ارمنیستان ینگ اؤزۆنه اوزادیلان پاراحاتچیلیق الینی توتماغینا و چین یۆرهکدن ایش آلیپ بارماغینا قاراشیاریس” دیدی.
الهام علی یف دا “تۆرکیه بیلن بیری بیریمیزه قوُلداو بریپ بؤلگه آرا مسئله لری دوُغری تاراپا گؤنۆکدیریأریس. بؤلگه ده پاراحاتچیلیق و دورنوقلیلیق بوُلسون. ساواش ایسله مه یأریس” دیدی.
تۆرکیه بیلن آذربایجان ینگ جمهورباشلیقلاری نخجوان داقی قشون کمپلکسی نینگ ده آچیلیش داباراسینا قاتناشدی.
