ترکمنستانینگ و آذربایجانینگ پریزیدنت لرینینگ دوشوشیغی
2021-نجی یلینگ 21-نجی یانواریندا ترکمنستانینگ پریزیدنتی قربانقلی بردی محمدوفینگ آذربایجان ریسپوبلیکه سینینگ پریزیدنتی الهام علی اوف بیلن گونی ویدیوآرا غاتناشیق آرقالی دوشوشیغی گچیریلدی.
دوشوشیغینگ باریشندا پریزیدنت لر ایکی یوردونگ و خلقینگ آراسیندا اوزآرا خرمت غویماق همده انانیشماق یورلگه لرینه، شیله ده تاریخی، مدنی و روحی غیمتلیق لارینگ عمومیلیغینا اساسلانیان دوستلوقلی غاتناشیق لارینگ اوسدورولمگینه اغرارلیدیقلارینی تاصیقلادیلار.
دولت باش توتانلاری سیاسی، سودا-اقتصادی و مدنی-انسان پرور اولغام لارینداقی ایکی طراپلایین غاتناشیق لارینگ حاضرکی یاغداینی همده اونی اوسدورمگینگ ممکین چیلیکلرینی آرا آلیپ مصلحت لاشدیلار.
خضر دنگیزی بویونچا اوزآرا حرکت اتمگینگ ترکمن-آذربایجان خزمتداش لیغینینگ مهم اوغورنی عمله گتیریاندیگی بللنیلیپ گچیلدی. شونونگ بلین باغلیلیقد، 2018-نجی یلینگ آوگوستینداغول چکیلن خضر دنگیزینینگ حقوق درجه سی حقینداقی کونوینسیانینگ آیراتین اهمیتی نغتالدی. بو رسمی نامه خضر دنگیزینده کوپ طراپلایین اوزآرا حرکت لرینگ و شول ساندا انرگیتیکا اولغامینداقی خزمتداشلیغینینگ تازه تاپغیرینینگ باشینینگ باشلانماغینینگ نتیجه سی بولدی.
ترکمنستانینگ پریزیدنتی قربانقلی بردی محمدوفینگ 2017-نجی یلینگ آوگوستوندا آذربایجان ریسپوبلیکه سینه بولان رسمی سپرینینگ باریشندا انرگیتیکا اولغامینداقی خزمتداشلیغینگ موندان بیلاکده اوسدورولمگی حقیندا ترکمنستانینگ حکومتینینگ و آذربایجان ریسپوبلیکه سینینگ حکومتینینگ آراسیندا اوزآرا دوشونشمک حقیندا اهتنامه غول چکیلندیگینی بللمک ضروردیر. بو رسمی نامه ایکی یوردونگ آراسینداقی انرگیتیکا خزمتداشلیغینینگ خاص هم ایلرلدمگینه ایترگی بردی.
شیله هم سبیت و خلق آرا دوزوم لرینینگ چاکلرینداکی خزمتداشلیق آرا آلینیپ مصلحت لاشیلدی. پریزدینت لر یورتلارینگ ایکیسینینگ هم اهل عمومی پراختچیلیغینگ، دورنوقلی لیغینگ و خوپسوزلیغینگ پوغته لاندیریلماغی اوغوروندا چیقیش ادیاندیک لرینی بللاپ گچدیلر.
پریزیدنت قربانقلی بردی محمدوف آذربایجانینگ یولباشچیسینا ترکمنستانینگ خلق آرا پراخت چیلیغینینگ و دورنوقلی لیغینینگ پوغته لاندیریلماغینا گونوکدیرلن خلق آرا باشلانغیچ لارینینگ انچمه سینی غولداندیغی بابتیندا منتدارلیق سوزلرینی بیان اتدی، شیله ده آذربایجان ریسپوبلیکه سینینگ غوشولیشمازلیق حرکتینده باشلیقلیق اتمگینینگ اونجیلی لگینی بللاپ گچدی. 2019-نجی یلینگ اوکتیابریندا ترکمن طراپینینگ غوشولیشمازلیق حرکتینینگ سامیتینینگ بارشیندا بیان ادن عدالتلی و آدیدنگ یورلگه لره، انرگیا چشمه لرینینگ و اولاری ایبرمک سریشده لرینینگ دنگ حقوقلی ال یترلی لیگینه، انرگیا سریشده لرینی ایبرجی لرینگ، آلیجی لارینگ و اوست آشیر گچیریجی لرینگ باهبیت لرینی حسابا آلماغا همده اقرار اتماگه اساس لانیان انرگیا خوپسوزلیغینینگ اهل عمومی اولغامینینگ کمالا گتیریلمگی بابتیندا ترکمنستانینگ برک نقطه نظری ینه ده بیر گزک تاصیق لاندی.
دولت باش توتان لاری ایکی یوردونگ و خلقینگ بهبیدنه گونوکدیرلن ترکمن-آذربایجان غاتناشیق لارینینگ موندان بیلاک هم پوغتالاندیریلماغینا اغرارلیدیقلارینی بیان اتدیلر.
دوشوشیغا شیله ده ترکمنستانینگ داشاری ایشلر مینیستری رشید مردوف و آذربایجان ریسپوبلیکه سینینگ دشاری ایشلر مینیستری جیحون عزیزاوغلی بایرام اوف هم غاتناشدیلار. دولت باش توتان لارینینگ آراسیندا گچیریلن گپلشیکلرینگ نتیجه لری اساسیندا، داشاری سیاسی اداره لارینگ یولباشچی لاری خضر دنگیزینداکی دوستلوق یاتاغینینگ اوگله ودارود سریشده لرینی بیله لیکده گوزله مک، ایشلاپ گچمک و اوزلشدیرمک حقیندا ترکمنستانینگ حکومتینینگ و آذربایجان ریسپوبلیکه سینینگ حکومتینینگ آراسیندا اوزآرا دوشونشمک حقیندا اهتنامه غول چکدیلر.
پریزیدنت قربانقلی بردی محمدوف: بو رسمی نامه بیزینگ یورتلاریمیز طراپیندان انرگیتیکا اولغامینداقی خزمتداش لیغینگ و اوزآرا دوشونشمگینگ پوغتالاندیریلماغینا،ایکی سانی ایری انرگیتیکا دولت لرینینگ اگیرت اولی اوزآرا ممکین چیلیک لرینینگ گینگدن آچیلماغینا، خضر دنگیزینده دورنوقلی انرگیتیکانینگ اوسدورولمگی اوچین اینگ اونگین شرطلرینگ دوره دیلمگینه، گینگ گرملی و اوزآرا باهبیتلی خلق آرا خزمتداش لیغینا گونوکدیرلن کوپ یللارینگ دوامیندا آلنیپ باریلان اهمیتلی ایشلرینگ نتیجه سی بولدی” دییپ بللاپ گچدی.
پریزیدنت لری ایکی دولتینگ انرگیتیکا اولغامینداقی خزمتداش لیغینی خاص هم گینگلت ماگه گونوکدیریلن تاریخی اهمیتلی رسمی نامه غول چکیلمگی مناسبتلی بیرک-بیرگی غوتلادیلار.
پریزیدنت قربانقلی بردی محمدوف خضر دنگیزینداکی بو اوگله ودارود کانینینگ “دوستلوق” دییپلیپ آتلاندیریلماغینینگ بیله لیکداکی چوزگوت بولوپ دوریاندیغینی بللدی. بو سوز ترکمن و آذربایجان دیللریندن ترجمه ادیلنده – دوستلوق دیمگی آنگلاتیار.
