وزارت امور خارجه امارت اسلامی از کمکهای بشردوستانه جمهوری تاجیکستان به آسیبدیدگان زلزله در هرات ابراز قدردانی کرده است.
حافظ ضیا احمد، سخنگوی این وزارت در صفحه ایکس نوشته که اولین محموله کمکهای بشردوستانه تاجیکستان هفته گذشته به هرات رسیده که شامل مواد غذایی، پوشاک، دارو و سایر اقلام اضطراری است.
به گفته او این کمکها توسط آقای صاحب جان، نمایندگان رییس جمهور تاجیکستان و هیأتهای آن کشور در کابل به اعضای کمیسیون کمکرسانی به زلزله زدگان هرات تحویل داده شده است.
