ترکیانینگ جمهورباشلیقلیغی نینگ آراغاتناشیق اداراسی نینگ باشلیغی فخرالدین آلتون غزه ده قیرغینچیلیق ادن ایسرائیل ینگ استعماری سیاساتلارینی گلوبال یالان امپراتورلیغی آرقاسیندا دوام اتدیریأندیگینی آیتدی.
آلتون استانبول دا گچیریلن “غزه سواشیندا میدانینگ حقیقت گؤرهشی” سمپوزیومینا غاتناشدی.
ایسرائیل ینگ حقیقتی گیزله مه ک اوچین غزه ده ژورنالیستلاری بیلگِشله یین نشان آلاندیغینا اۆنس چکن آلتون، ترکیانینگ رادیو و تلویزیون غوراماسی ت. ر. ت و آنادولو آژانسی نینگ غزه ده بوُلیانلاری بۆتین دنیأ گؤرکِزیأندیگینی نیغتادی.
ایسرائل ینگ یالان بیر امپراتورلیق بوُلاندیغینی آیدان فخرالدین آلتون “حقیقتینگ یرینه یالانی یرله شدیریأن بو یالان امپراتورلیغی نینگ اۆچ چشمه سی باردیر. بولار آشاگۆیچ، پروپاگاندا- یالان و سانسور” دیدی.
ترک جوغاپکار ت. ر. ت و آنادولو آژانسی نینگ بۆتین قینچیلیقلارا قارامازدان بۆتین دۆنیأ حقیقتی گؤرکِزیأندیگینی آیتدی.
