ترکمنستانینگ داشاری ایشلری مینیسترلیگینده طالبان حرکتینینگ سیاسی اداره سینینگ وکیلیتی بیلن دوشوشیق گچیریلدی
2021-نجی یلینگ 6-نجی فبرالیندا ترکمنستانینگ داشاری ایشلر مینیسترلیگینده ترکمن داشاری سیاست اداراه سینینگ یولباشچی لارینینگ طالبان حرکتینینگ سیایسی اداره سینینگ یولباشچیسی ملا عبدالغنی برادرینگ باش توتان لیغینداقی وکیلیت بیلن دوشوشیغی گچیریلدی.
ایشجنگ یاغدایدا گچیریلن گپلشیک لرینگ باریشندا طراپلار اوغانستاندا پراختچیلیغی و دورنوقلی لیغی یولا غویماغینگ همده ساقلاماغینگ درواییس لیغینی بللاپ گچدیلر.
شونونگ بیلن باغلی لیقدا، ترکمنستانینگ کوپ یلارینگ دوامیندا اوغان خلقینه اهمیتلی غولداو بریاندیگی، ایلکنجی نوبتدا انرگیتیکا، اولاغ و آراغاتناشیق اولغاملاری یالی واجیپ ستراتیگیکی اغورلاردا اوغان اقتصادیتینینگ اوسوشینه یاردام ادیاندیگی آیراتین نیغتالدی.
ترکمنستان-اوغانستان-پاکستان-هندوستان گاز گچیریجیسی، ترکمنستان-اوغانستان-پاکستان اوغری بویونچا الیکتریک گچیریجی و اوپتیکی-سویوملی آراغاتناشیق اولغامی، شیله ده ترکمنستانی اوغانستان بیلن باغلانشدیریان دمیریولار آغزالان اولغام لارداقی مهم تاسلامالار بولوپ دوریاندیر.
طالبان حرکتینینگ سیاسی اداره سینینگ وکیلیتی اوغان خلقینینگ آبادانچیلیغینینگ و گللاپ اوسوشینینگ اوپجون ادیلمگینه گونوکدیرلن یوقاردا گورکزیلن انفراستروکتورا تاسلاما لارینینگ دورموشه گچیریلمگینینگ پروسه سینی همه طراپلایین غولدانیاندیغینی بیان اتدی.
گپلیشک لرینگ جملری بویونچا اوغان وکیلیتی مطبوغاتا یوزلنمه بیلن چقیش اتدی و ژورنالیست لرینگ سوالارینا جوغاپ بردی.
طالبان حرکتینینگ سیاسی اداره سینینگ وکیل لرینینگ مطبوغات یوزلنمه سی:
الکینجی نوبتدا سیزی شو گونکی مطبوغات کونفرینسیاسنیندا گورماگه شاتدیغیمی بیان اتماگه و اوزومی تانیتماغا رخصت ادینگ. من محمد سهیل شاهین، طالبان حرکتینینگ سیاسی اداره سینینگ و گپلشیکلر توپارینینگ وکیلی بولوپ دوریارین.
الکی بیلن، حرکتینگ سیاسی اداره سینینگ آدیندان ترکمنستانا گلیپ گورمک اوچین چاقیلیغی و گورکزن مهمان سویرلیگی بابتیندا ترکمن طراپینا منتدارلیق بیلدیرمک ایسله یارین.
دوین، بیز سپرینگ چاکلرینده ایکی متجیده باریپ گوردوک و ترکمن خلقینینگ غادیمی مدنی داپ دسورلاری بیلن تانیش بولدوق.
شو گون، بو یرده، ترکمنستانینگ داشاری ایشلر مینیسترلیگینده ترکمنستانینگ مینیسترلر کابینتینینگ باشلیغینگ اورون باساری، داشاری ایشلر مینیستری جناب رشید مردوف همده اونونگ وکیلیتی بیلن آچیق و دوست لوقلی یاغدایدا گپلشیک لرگچیریلدی، اونونگ باریشندا بیز بی طراپ ترکمنستانینگ اوغانستان بابتیندا آلیپ باریان سیاستنا همده غونگشی ترکمنستان طراپیندان اوغانستانا غاتناشیقدا دورموشه گچیریلن، حاضرکی وغتدا دوام ادیان و گلجکده هم بریلجک کوپ یللیق سیاسی و اقتصادی غولداوا اونگین بها بردیک.
ترکمنستان، مسلمان، غونگشی، بی طراپ دولت بولماق بیلن، اوزاق یللارینگ دوامیندا اوغانستاندا پراختچیلیغینگ یولا غویولماغینا و یوردونگ اوسوشینه گونوکدیرلن باشلانغیچ لاربیلن ایزی گیدرلی چیقیش ادیار.
ترکمنستانینگ باشلانغیجی بیلن اوغانستانا ایری انفراستروکتورا تاسلاما لارینینگ دورموشه گچیریلمگی آیراتین اهمیتلی دیر و یوقاری بها بریلماگه مناسب دیر. یاقین وغتدا “تاپی، تاپ” یالی تاسلامالارینگ، شول ساندا ترکمنستاندان اوغانستانا دمیر یولارینگ غورلوشیغینا باشلانار، بولارینگ اهلی سینینگ اوغانستاندا پراختچیلیغینگ یولا غویولماغینا و اونونگ اقتصادی تایدان اوسوشنه گویچلی ایترگی برجکدیگی گورونگ سیزدیر. بیر طراپدان، بیزینگ یوردومیزینگ غاراشسیزلیغی اوغروندا گورش دوام ادیان وغتیندا، بیز بیلکی طراپدان دولتمیزینگ چاگینده دورموشه گچیریلیان اهلی ملی تاسلامالارینگ غوراغلی لیغینی اوپجون اتمک آرقالی، خلقیمیزینگ آبادانچیلیغینا و یوردومیزینگ اسوشینه سالداملی غوشانت غوشماقلیغا چالیش یاریس.
شونونگ بیلن باغلی لیقدا، طالبان حرکتی حکمنده، بیز یوردومیزدا “تاپی” و بیلکی انفراستروکتورا تاسلامالارینینگ دورموشا گچیریلمگینی همده خوپسیزلیغینینگ اوپچون ادیلمگینی دولی غولدایاندیغیمیزی بیان ادیاریس. اونس برنگینگیز اوچین منتدارلیق بیلدیریارین.
