اردوغان: چاناق قالاداکی ینگیشیمیزدن آلینجاق اولی ساپاقلار بار
شو گۆن چاناق قالاداقی دنگیز ینگیشیندن 109 ییل گچدی.
بیرینجی جاهان اورشیندا عثمانلی دؤولتی چاناق قالادا میللت حؤکمۆنده یاشاییش اۆچین ساواشدی.
تۆرکلرینگ تاریحی نینگ اینگ أهمیتلی اورشلاریندان بیری بوُلان چاناق قالا ساواشی 1915-نجی ییلینگ 9-نجی یانواریندا باشلاپدی.
325 گۆن دوُوام ادن بو اورش 1916-نجی ییلینگ 9-نجی یانواریندا تۆرک قشونی نینگ ینگیشی بیلن قوتاردی.
18-نجی مارت دا بوُلان شوُل ینگیش هر ییل قوتلانیار.
شو ییل دا تاریحی گِلیبوُلو یاریم آداسیندا شهیتلری یاتلاما گۆنی و چاناق قالا دنگیز ینگیشی نینگ 109-نجی ییللیغی قوتلاندی.
تۆرکیأنینگ جمهورباشلیغی رجب طیب أردوُغان دا شهیتلر یأدیگأرلیگینده گچیریلن دابارا قاتناشدی.
تۆرک یوُلباشچی برن بیاناتیندا شیله دیدی: “تۆرکیأنینگ عاصری نینگ قورولماغیندا چاناق قالادا یازیلان دستاندان آلیپ بوُلونجاق اولی ساپاقلاریمیزینگ باردیغینا اینانیاریس. بیله لیگیمزه، جبیسلیگیمیزه، دوُغانچیلیغیمیزا ایه بوُلانیمیزدا 7 دؤولت اۆستۆمیزه گلسه ده بیزی ینگیپ بیلمه ز. مونی چاناق قالادا گؤردۆک شوُنونگ اۆچین چاناق قالانینگ روحی یوُلومیزی یاغتی توتماغا دوُوام اتجکدیر”
باشدا تۆرکیه جمهوریتی نینگ اساسلاندیریجیسی مصطفی کمال آتاتۆرک بوُلماق بیلن چاناق قالانی “گچیپ بوُلماز” یاغدایا اؤوۆرنلر، دوشمان بیلن اورشانلار و بو توُپراقلاری سوُنگراقی نسیللره یورت حؤکمۆنده آمانات ادنلر اولی حوُرمات و سیلاغ بیلن یاتلانیار.
تۆرکیأنینگ میللی قوُرانماق وزیری یاشار گۆلر، قشون یوُلباشچیلاری، غازیلار و سیاسی حزبلرینگ وکیللری و استرالیا، تأزه زلاند و انگلستان ینگ وکیللری بو دابارا قاتناشدی.
آتاتۆرک ینگ یأدیگأرلیگینه گۆل دِسسه لری قوُیودی.
تۆرکیأنینگ قوُرانماق وزیری یاشار گۆلر “چاناق قالا گچیلیپ بیلینمهزدیر” یازیلان آلتین مدالی تۆرک بایداغینا داقدی.
حوُرماتلی دیمیشلیلیقدان سوُنگرا تۆرک بایداغی گؤنگه ایبریلدی و استقلال موقامی اوُقالدی.
چاناق قالا بوُغازینا گلن تی. جی. جی بۆیۆک آدا گأمیسیندن ده 21 توُپ گۆلـلهسی آتیلدی.
