تۆرک اۆلکهلری نینگ ایچری ایشلر وزیرلری قیرغیز جمهوریتینده
تۆرک دؤولتلری قوراماسی نینگ ایچری ایشلر وزیرلری قیرغیزیستان ینگ چوُلپان آتا شهرینده دوشوشدی.
ایچری ایشلر وزیرلری نینگ ماصلاحاتیندا بیانات برن قیرغیزیستان ینگ جمهورباشلیغی صدر جباروف تۆرک دۆنیأسی نینگ حوُوپسوزلیغی نینگ اولی وظیپه بوُلاندیغینی بیلدیردی.
قیرغیز یوُلباشچی بو مسئله ده آغضا یورتلارینگ حیذماتداشلیغینا اۆنس چکدی و “گۆیچ بیرلیکدهدیر” دیدی.
جباروف چالت یاغدایدا گلوباللاشیلیان بیر دؤوۆرده گۆنأ و جزالار بیلن گؤرهشیلمه لیدیگینی و دیجیتال دؤوۆرده بیله لیکده ایشله شیلمه لیدیگینی سؤزلرینه قوُشدی.
تۆرک دؤولتلری قوراماسی نینگ ایچری ایشلر وزیرلری نینگ ماصلاحاتینا تۆرکیأنینگ ایچری ایشلر وزیری علی یرلی قایا دا قاتناشیار.
ماصلاحاتا آذربایجان ینگ ایچری ایشلر وزیری ولایت عیوضف، قازاغیستان ینگ ایچری ایشلر وزیری ارجان سادنوف، قیرغیز جمهوریتی نینگ ایچری ایشلر وزیری اولان نیازبکوف، اؤزبگیستان ینگ ایچری ایشلر وزیری پولات باباجانوف و تۆرک دؤولتلری قوراماسی نینگ باشلیغی قوبانچی بک عمرعلیف قاتناشیار.
