أردوُغان: بیرلشن میللتلر ایسرائیل-ی دوردورماق اۆچین نأمأ قاراشیار؟
تۆرکیأنینگ جمهورباشلیغی رجب طیب أردوُغان ایسرائیل-ینگ هۆجۆملرینه قارشی بیرلشن میللتلر قوراماسی نینگ حوُوپسوزلیق گنگه شی نینگ توتومینی برک تانقیت اتدی.
أردوُغان ایسرائیل ینگ لبنان داقی هۆجۆملری بیلن باغلانشیقلی “بیرلشن میللتلر قوراماسی نینگ حوُوپسوزلیق گنگه شی ایسرائیل-ی دوروزماق اۆچین نأمأ قاراشیار؟ بیز ده بیلمه ک ایسله یأریس” دیدی.
أردوُغان کابینه ماصلاحاتیندان سوُنگرا گۆن ترتیبی نینگ ایلری توتولیان اوغورلاری حاقدا گۆررۆنگ بردی.
ایسرائیل ینگ غزه بیلن چأکلی قالماجاقدیغینی، گؤزۆنی بؤلگه دأکی باشغا یورتلارا تیکجکدیگینی هر پورصاتدا یاتلادیاندیغینی بیلدیرن تۆرک یوُلباشچی “ایسرائیل ینگ لبنانا باشلادان سوُنگقی هۆجۆملری قایغیلاریمیزینگ نأدرجه دوُغری بوُلاندیغینی گؤرکِزدی. ایسرائیل ینگ بیرلشن میللتلر قوراماسی نینگ واغتلایین پاراحاتچیلیق گۆیجۆنی هۆجۆم ادیپ تهدیت اتمه گی بو مسئلأنینگ نأدرجه یره گلندیگی گؤرکِزمه ک اۆچین یترلیکلیدیر. اؤز پرسنلینی قوُراپ بیلمه یأن بیر بیرلشن میللتلر قوراماسی حالقارا سیستم اۆچین اوتانچ و قایغی بریجیدیر.” دیدی.
أردوُغان “صهیونیست حیاللارینگ ایزیندان گیدن ایسرائیل ینگ حؤکۆمتی آمریکا و اوروپانینگ شرطسیز قوُلداوی دوُوام ادیأنچأ هۆجۆملرینی دوردورماز” دیدی.
