تۆرکمن – اؤزبک سؤودا دوُلانشیغی 9 آیدا 867 میلیون دلاردان گچدی
2024-نجی ییلینگ یانوار – سپتامبر آرالیغینداقی 9 آیلیق دؤوۆرده اؤزبگیستان بیلن تۆرکمنیستان ینگ اؤزآرا سؤودا دوُلانشیغی اؤتن ییلا گؤرأ 37.5 میلیون دلار یوُقارلاپ 867 میلیون 800 مۆنگ دلارا یتدی.
تۆرکمنیستان اؤزبگیستان ینگ اینگ اساسی داشاری سؤودا حیذماتداشلاری نینگ ساناویندا 6-نجی اوُرونی آلدی.
تۆرکمنیستان ینگ 9 آیلیق دؤوۆرده اؤزبگیستانا داشاساتوو موقداری 79.7 میلیون دلار یوُقارلاپ 780 میلیون 600 مۆنگ دلارا دنگ بوُلدی.
شو ییلینگ 9 آییندا تۆرکمنیستان ینگ اؤزبگیستان دان ساتین آلان اؤنۆملری نینگ موقداری دا 87 میلیون 200 مۆنگ آمریکان دوُلاری بیلن دنگ بوُلدی.
تۆرکمنیستان ینگ اؤزبگیستان دان ساتین آلان اؤنۆملری نینگ موقداری اؤتن ییلا گؤرأ 42.2 میلیون دلار آزالدی.
اؤزبگیستان ینگ عمومی داشاری سؤودا دوُلانشیغی 9 آی دا 48 میلیارد 206 میلیون دلاردان گچدی.
اؤزبگیستان شوُل دؤوۆرده داشاری یورتلاردان 28 میلیارد 432 میلیون دلار اؤنۆم ساتین آلدی و داشاری یورتلارا 19 میلیارد 773 میلیون دلار اؤنۆم ساتدی.
