أردوُغان بریکس ماصلاحاتیندا پوتین بیلن دوشوشدی
تۆرکیأنینگ جمهورباشلیغی رجب طیب أردوُغان بریکس ماصلاحاتیندا روسیانینگ دؤولت یوُلباشچیسی ولادیمیر پوتین بیلن دوشوشدی.
بریکس ماصلاحاتی نینگ گچیریلیأن یری بوُلان تاتاریستان ینگ پایتاغتی قازان دا بوُلان أردوُغان بیلن پوتین ینگ دوشوشیغی 1 ساغات دوُوام اتدی.
تۆرک یوُلباشچی دوشوشیغینگ باشیندا بریکس ماصلاحاتی نینگ گینگلدیلن یوُلباشچیلار ماصلاحاتینا چاغیریلماغینا مینتدارلیق بیلدیردی و ماصلاحاتا یر ایه چیلیگینی ادن ولادیمیر پوتینا ساغ بوُلسون آیتدی.
روسیانینگ داشاری ایشلر وزیری سرگی لاورووینگ 3+3 بؤلگه آرا حیذماتداشلیق پلاتفرمی اۆچین آننا گۆنی ایستامبول دا بوُلاندیغینی یاتلادان أردوُغان “ایندی سیز حوُرماتلی دوُستومی دا اینگ قیسغا واغتدا تۆرکیه ده گؤرمه ک ایسله یأریس” دیدی.
ایکی یوردونگ بانک سیستمیبندأکی قینچیلیقلارینگ چؤزگۆده قوُوشوریلماغی اۆچین ایش آلیپ باریاندیقلارینی یاتلادان أردوُغان “بو مسئله بیلن باغلانشیقلی مکانیسمینگ یوُلا قوُیولماغی اۆچین غازنا و مالیه وزیریریمیز و مرکزی بانکلاریمیز دوشوشیقلار گچیریأر. سؤودا وزیرلریمیز ده ایش آلیپ باریار” دیدی.
ولادیمیر پوتین دا روسیا- تۆرکیه قاتناشیقلاری نینگ دۆرلی پوداقدا اوزاق واغتدان بأری اوُرتاقلیق- حیذماتداشلیق درجه سینده یاغشی قوُنگشوچیلیق یؤرهلگِهسینه گؤرأ دوُوام ادیأندیگینی آیتدی و “سیز بیلن اؤزآرا و حالقارا گۆن ترتیبینده ایزی گیدرلی دیالوگیمیزا دوُوام اتدیریأریس. همیشه بوُلماغی نینگ بأحبیتلیدیگینی آیدانیم بو دوشوشیقلارا بگنیأرین” دیدی.
روسیانینگ جمهورباشلیغی “اؤزآرا قاتناشیقلاریمیزدا توریسم پوداغی آیراتین بیر یره ایه دیر. 2023-نجی ییلدا 6.3 میلیون روس یورتداشی تۆرکیأ گلدی و 20.7 گؤتریم اؤسۆش بوُلدی. بو ییلینگ یانوار- آگوست آرالیغیندا دا بو اؤسۆش 4.6 گؤتریمه یتدی و 4.5 میلیون دان کؤپ آدام تۆرکیأ گلدی. روسیا تۆرکیه ده (توریسم مسئله سینده) بیرینجی اوُروندا یر آلیار” دیدی.
