اوخناگین خورلسوخ آنکارادا أردوُغان بیلن دوشوشدی
مغولیستان ینگ جمهورباشلیغی اوخناگین خورلسوخ رسمی ساپار بیلن تۆرکیأ گلدی.
میهمان یوُلباشچی آنکارادا تۆرکیأنینگ جمهورباشلیغی رجب طیب أردوُغان بیلن اؤزآرا و توُپارآرا دوشوشیق گچیردی.
تۆرکیأنینگ جمهورباشلیغی مغولیستان دان 21 ییل آرادان سوُنگرا بیر جمهورباشلیغینگ گلندیگینه اۆنس چکدی و مینتدارلیق بیلدیردی.
اِگیندشینه بو ساپاریندا حؤکۆمتینگ آغضالاری، یوُقاری درجه لی بروکراتلار، ایشه وۆرلر، صونغاتچیلار و مطبوغات ایشگأرلری نینگ یوُلداشلیق ادیأندیگینه اۆنس چکن أردوُغان، اؤزۆنینگ ده مغولیستانا ساپار قورجاقدیغینی آیتدی.
تۆرک یوُلباشچی بو دوشوشیقدا اؤزآرا قاتناشیقلار بیلن بیله لیکده سوریه، فلسطین و اوکراینا یالی بؤلگه آرا و حالقارا مسئله لر حاقیندا گنگه شندیکلرینی یاتلاتدی.
أردوُغان فلسطین ینگ دیره نیش حرکتی حماس بیلن ایسرائیل ینگ آراسینداقی اوُد آچیلشیغا بس اولغامی حاقیندا دا گۆررۆنگ بردی.
تۆرکیأنینگ جمهورباشلیغی 467 گۆندن بأری ایسرائیل ینگ ظلمینا دیره نیأن غزه حالقی و بۆتین فلسطینلیلره بو اولغامینگ بأحبیتلی بوُلماغینی آرزوو اتدی و قطر و مصر و بیله کی یورتلارا تاغاللالاری سبأپلی ساغ بوُلسون آیتدی.
أردوُغان “کؤپۆسی زنانا و چاغا بوُلماق بیلن 50 مۆنگدن کؤپ شهیت برسه لر ده غزه تسلیم بوُلمادی. غزه لیلر ظلما بوُیون اِگمه دی” دیدی.
تۆرک یوُلباشچی حالقارا جمغیتچیلیگینگ 50 مۆنگدن کؤپ چاغاسینی الدن برن غزه حالقینا قارشی حقوقی و آحلاقی جوُغاپکأرچیلیگینی یرینه یتیرمه لیدیگینی بیلدیردی.
