انور ابراهیم: أردوُغان اولی بیر یوُلباشچی‌دیر
تۆرکیأنینگ جمهورباشلیغی رجب طیب أردوُغان رسمی ساپار بیلن مالزیادا بوُلیار.
أردوُغان کوالالامپوردا انور ابراهیم تاراپیندان رسمی دابارا بیلن قارشیلاندی.
أردوُغان و مالزیانینگ باش وزیری انور ابراهیم “تأزه یۆزییلدا تۆرکیه- مالزیا استراتژیک حیذماتداشلیغی” ماصلاحاتینا قاتناشدی.
بو ماصلاحاتدا بیانات برن انور ابراهیم تۆرکیأنینگ عألم تکنولوژیلری و عاقیللی سیستملر پوداقلاریندا مایا قوُییاندیغینی آیتدی.
سیاساتینگ هیچ هاچان آنیق نتیجه لر برمأندیگینی آیدان انور ابراهیم، “تۆرکیه میللی بیلینجی و حوُرماتینی أهمیتلی یاغدایدا یوُقارلادان بیر یورتدیر. ژئوپلیتیک تایدان دا گلوبال بیر گۆیچ بوُلاندیر” دیدی.
انور ابراهیم تۆرک یوُلباشچی رجب طیب أردوُغان ینگ یاشاییشی نینگ اولی گؤره‌شلر بیلن گچندیگینی آیتدی و “توسساغلیلیقدان دؤولتینگ باشینا گچیلن بیر یوُل بار. بو دینگه یاشاییشدا قالماق حکایاسی دأل، بیر بویسانچ حکایاسیدیر. قینچیلیقلاردا گۆیچلنمه ک و توتان یرلی یاغدایدا دوُوام اتمه گینگ حکایاسیدیر بو. تۆرکیه شو گۆنکی گۆنده همیشه کی یاغدایدان حاص گۆیچلی و ایناملی و توتان یرلی” دیدی.
انور ابراهیم أردوُغانا “سیز سرحتلری آشان، تأثیری دویولیان بیر یوُلباشچیو بۆتین دۆنیأده سؤیۆلیأرسینگیز و اؤوۆلیأن بیر یوُلباشچی حؤکمۆنده بیزینگ بیلن بوُلماغینگیز بیزه بویسانچ بریأر” دیدی.
