دیدار وزیر امور داخله امارت اسلامی با رییس امنیت ملی اوزبیکستان

خلیفه سراج‌الدین حقانی، وزیر امور داخله با جنرال قربانوف باخودیر، رییس امنیت ملی اوزبیکستان و هیأت همراهش دیدار کرد.

وزیر امور داخله در کنار خوشامدگویی به هیأت اوزبیکستانی، چنین دیدارهایی را برای تقویت روابط دوجانبه مهم خوانده است.

در این دیدار پیرامون گسترش روابط دوجانبه، تقویت همکاری‌های اقتصادی و همکاری‌های دوامدار در بخش امنیتی گفت‌وگو شده است.

در پایان، آقای قربانوف از وزیر امور داخله به‌خاطر تأمین کامل امنیت پروژه‌های اقتصادی راه‌اندازی‌شده توسط اوزبیکستان درافغانستان، تشکری کرده است.