اوزبیکستان صادرات برق به افغانستان را ادامه می‌دهد

وزارت انرژی اوزبیکستان اعلام کرد که این کشور طبق تفاهم‌نامه‌ی خود با افغانستان، صادرات برق برای این کشور را در سال ۲۰۲۶ نیز ادامه خواهد داد.

در گزارش رسانه‌های اوزبیکستانی، به نقل از وزارت انرژی این کشور آمده است که اوزبیکستان این تصمیم را در چارچوب توافق میان افغانستان و تاشکند گرفته است.

گزارش می‌رساند دو طرف تاکید کرده‌اند که هم‌اکنون پروژه‌های مشترک مهم در بخش انرژی وجود دارند که در حال پیش‌رفت هستند.