هیأت وزارت صحت عامه با مسوولان یک شرکت ترکی در انقره دیدار کرد

هیأت وزارت صحت عامه امارت اسلامی به ریاست مولوی عبدالولی حقانی، معین عرضه خدمات صحی این وزارت در سفر به ترکیه با مسوولان شرکت «سیلا هولدینگ» در شهر انقره دیدار کرد.

وزارت صحت عامه می‌گوید که مسوولان شرکت مذکور معلومات همه‌جانبه‌ای درباره ساخت زیربناهای صحی و تولید تجهیزات صحی به هیأت افغان ارايه کردند.

در همین حال، مولوی عبدالولی حقانی در این دیدار گفته که وزارت صحت عامه تلاش می‌کند تا نهادی صحی کشور را با تکنالوژی نوین و تجهیزات عصری مجهز کند.