پیشنهاد روسیه برای صدور گندم به افغانستان در نشست اقتصادی سن‌پترزبورگ

سفارت افغانستان در روسیه اعلام کرده است که مولوی گل‌حسن حسن در کنفرانس بین‌المللی سرمایه‌گذاری و اقتصادی «دوم تاوریچسکی» شرکت کرده است.

به‌گفتهٔ سفارت، در این نشست والیان مناطق تازه‌ضم‌شدهٔ روسیه معلوماتی دربارهٔ ظرفیت‌های اقتصادی و فرصت‌های سرمایه‌گذاری‌شان ارائه کردند.

والی خرسون، ولادیمیر سالدو، در سخنرانی خود گفته است که این منطقه آمادگی دارد محصولات زراعتی، به‌ویژه گندم، را به افغانستان صادر کند.

هم‌زمان، سفیر افغانستان در روسیه بر گسترش صادرات، واردات و توسعهٔ همکاری‌های اقتصادی میان کابل و مسکو تأکید نموده است.