سفر هیأت بلندپایه افغانستان به کازان، اشتراک در نشست «روسیه و جهان اسلام»

ضیاالله هاشمی، سخنگوی وزارت تحصیلات عالی، می‌گوید به ریاست نداء محمد ندیم، وزیر تحصیلات عالی، یک هیأت ۱۴ نفری بلندپایه به شهر کازان جمهوری تاتارستان روسیه سفر کرده است.

به گفته او، این هیأت در یازدهمین نشست کازان با عنوان «روسیه و جهان اسلام» که از ۱۳ تا ۱۵ می ۲۰۲۶ برگزار می‌شود، اشتراک خواهد کرد.

در ترکیب این هیأت، وزیر صنعت و تجارت، معینان وزارت‌های مالیه، اقتصاد، کار و امور اجتماعی، معادن و پترولیم، صحت عامه و سایرمسئولان دولتی، همچنان سفیر افغانستان در مسکو و شماری از رؤسای ادارات مرتبط شامل هستند.

هاشمی افزود که در حاشیه این نشست، به درخواست طرف روسی، نخستین جلسه کمیسیون مشترک اقتصادی و تجارتی میان افغانستان و فدراسیون روسیه نیز برگزار خواهد شد.