دیدار وزیر تحصیلات عالی با معاون نخست‌وزیر قرغزستان

وزارت تحصیلات عالی اعلام کرده است که شیخ نداء محمد ندیم، وزیر این وزارت، در حاشیه هفدهمین نشست بین‌المللی کازان با امان گیلدیوف، معاون نخست‌وزیر قرغزستان دیدار کرده است.

در این دیدار، دو طرف درباره گسترش همکاری‌های اقتصادی، تجارت، ترانزیت، خط آهن و پروژه‌های مشترک میان افغانستان و قرغزستان گفت‌وگو کرده‌اند. همچنین مقام‌های قرغزستانی بر همکاری در پروژه‌های زیربنایی و اقتصادی، به‌ویژه بخش خط آهن، تأکید کرده‌اند.