آغاز روند انتقال حجاج افغان از ولایت هرات

وزارت ترانسپورت و هوانوردی می‌گوید که امروز (پنج‌شنبه، ۳جوزا) طی مراسمی با حضورداشت رئیس عمومی میدان‌های افغانستان و برخی از مقام‌های محلی ولایت هرات، روند انتقال کاروان حجاج افغان از میدان هوایی بین‌المللی خواجه عبدالله انصاری آغاز شد.

در اولین پرواز از این میدان هوایی بین‌المللی به تعداد ۳۴۶ تن جهت ادای حج به عربستان‌سعودی انتقال داده شدند.