صحت
وزارت صحت عامه خواستار آمادگی سازمان‌های بین‌المللی برای مقابله با بیماری آبله میمون شد
عبدالولی حقانی معین عرضه خدمات صحی وزارت صحت‌عامه، در نشستی با نمایندگان سازمان‌های بین‌المللی صحی درباره‌ی پیش‌گیری از بیماری آبله میمون (مانکی پاکس) گفت‌وگو کرد.
در خبرنامه‌ی این وزارت آمده است که نمایندگانی از سازمان‌های بین‌المللی صحی، یونیسف و سازمان بین‌المللی مهاجرت نیز در این نشست حضور داشتند.
حقانی از این نهادها خواست تا پیش از ثبت موارد مثبت این بیماری، آمادگی‌های لازم را بگیرند.
