افغانستان
بازپس‌گیری بیش از ۲۰ هزار جریب زمین دولتی در ۱۳ ولایت کشور طی یک ماه اخیر
وزارت عدلیه حکومت سرپرست اعلام کرده است که در یک ماه گذشته، هیأت‌های تخنیکی کمیسیون جلوگیری از غصب زمین و استردادزمین‌های غصب‌شده، بیش از ۲۰ هزار و ۴۴۴ جریب زمین دولتی را در ۱۳ ولایت کشور (ننگرهار، قندوز، جوزجان، فاریاب، تخار،دایکندی، غور، خوست، نیمروز، پنجشیر، بادغیس و میدان وردک) بازپس‌گیری کرده‌اند.
همچنین، در گزارش‌های پیشین وزارت عدلیه آمده است که طی یک سال و نیم گذشته، بیش از ۲.۵ میلیون جریب زمین دولتی از نزدغاصبان در ولایات مختلف کشور بازپس‌گیری شده است.
گفتنی است که این اقدامات نشان‌دهنده تعهد دولت در مقابله با غصب زمین‌های دولتی و بازگرداندن آن‌ها به مالکیت عمومی می‌باشد.
