خلیل‌زاد: اوزبیکستان خواهان تقویت روابط اقتصادی و تجارتی با افغانستان است

به دنبال سفر هیات امارت اسلامی به اوزبیکستان، زلمی خلیل‌زاد نماینده ویژه پیشین امریکا برای صلح افغانستان گفته که تاشکند درنظر دارد روابط اقتصادی و بازرگانی خود را با افغانستان تقویت کند.

آقای خلیل‌زاد در صفحه‌ی خود در شبکه اجتماعی ایکس، تصویری از دیدار رییس‌جمهور اوزبیکستان با هیات امارت اسلامی به ریاست سرپرست وزارت صنعت و تجارت نیز نشر کرده است.

هیاتی از امارت اسلامی روز دوشنبه (۱۹ جوزا) جهت اشتراک در “کنفرانس بین‌المللی تاشکند” به اوزبیکستان رفت.