ترکیه قرغزستان داکی آهیسکا ترک لرینه کمک ایتدی

ترکیه، تازه گورنوشلی کروناویروس کسل لیگی بیلن گوره ش مقصدی بیلن قرغزستان دا یاشایان آهیسکا ترک لرینه کمک ایبردی.

ترکیه نینگ داشاری ایشلر وزیرلیگی، استامبول داقی بوتین دنیا آهیسکا ترک لری بیرلیگی نینگ آرقاسی بیلن کووید- 19 کسلینه غارشی لقمانچیلیق کمک لرینی آهیسکا ترک لرینه ایبردی.

کمک لر قرغزستان ینگ پایتختی بیشکک-ه یتیریلدی.

کمک لرینگ آراسینده 20 مونگ جراحی ماسک، 1200 سانی ان 95 ماسک، 1500 غوراییجی کوینک، 7 غیزامیق انجامی، 1 اکسیژن انجامی، 200 ساغلیق انجامی، 115 یوز اورتوگی و درمان بار.

آهیسکا ترک لری بیرلیگی نینگ باشلیغی آتام شا دورسونوف، ترکیه دن ایبریلن کمک لرینگ اولی اهمیته اییه دیگینی آیتدی.

آهیسکا ترک لری قدیمدان گورجستان دا یاشایان مسلمان ترک لر.

سانلاری 100 مونگ بولان بو ترک لر 1944-نجی ییلدا قطارلارا مندیریلیپ قرغزستان، قزاقستان و اوزبکستانه ایبریلیپدی.