آذربایجان ریسپوبلیکه سینینگ داشاری ایشلر مینیسترینینگ ترکمنستانا سپری
2021-نجی یلینگ 20-نجی یانواریندا آذربایجان ریسپوبلیکه سینینگ داشاری ایشلر مینیستری جیحون عزیز اوغلی بایرام اوفینگ یولباشچی لیغینداقی آذربایجان وکیلیتینینگ ترکمنستانا ایکی گونلیک سپر باشلاندی.
شو گون، 21-نجی یانواردا آذربایجانینگ داشاری ایشلر مینیسترلگینینگ یولباشچی سی ترکمنسانینگ پریزیدنتی قربانقلی بردی محمدوف طراپیندان قبول ادیلدی.
سونگرا ترکمنستانینگ داشاری ایشلر مینیسترلگینینگ بناسیندا ترکمنستانینگ داشاری ایشلر مینیستری رشید مردوفینگ آذربایجان ریسپوبلیکه سینینگ داشاری ایشلر مینیستری جیحون عزیز اوغلی بایرام اوف بیلن دوشوشیغی گچیریلدی. دیپلومات لار سیاسی، سودا-آقتصادی و مدنی انسان پرور اوغورلارینداقی ایکی طراپلایین غاتناشیق لارینگ یوقاری درجه سینی قناغاتلانما بیلن بللاپ گچدی لر.
آذربایجانینگ داشاری ایشلر مینیسترلگینینگ یولباشچی سینینگ عشق آبادا بولان بو سپرینینگ ترکمنستانینگ همده آذربایجانینگ آراسینداقی انرگیتیکا خزمتداش لیغینگ تازه تاپغیرینینگ باشلانماغی بیلن اوتغاشاندیغی آیراتین نغتالدی. بو اوغوردا خضر دنگیزینده خزمتداشلیق و غورلاری پیدالانماق بویونچا بیله لیکداکی حرکت لرینگ اهمیتی بللنیلیپ گچیلدی.
دیپلوماتلار ایکی یوردونگ آراسینداقی سیاسی-دیپلوماتیک گپلشیک لرینگ نتیجه لی لیگینی آیراتین بللدیلر. اولار ایکی طراپلایین غاتناشیقلار، شیله هم سبیت و خلق آرا گون ترتیبی بیلن باغلی مسله لری آرا آلیپ مصلحت لاشدی لار. بو اوغوردا ترکمنستانینگ همده آذربایجانینگ سبیت و خلق آرا فورمت لارینینگ چاک لرینداکی خزمتداش لیغینینگ اهمیتی نیغتالیپ گچیلدی.
دشوشیغینگ دوامیندا ایکی یوردونگ دوره باپ آفتواولاغ، دمیر یول و دنگیز انفراستروکتورا سینه اییه بولان اولاغ-اوست آشیر ممکین چیلیکلرینی ایشجنگ اولانماق آرقالی، اقتصادی همده مایا غویوم خزمتداش لیغینی گینگلتمک ممکین چیلیکلری هم آرا آلینیپ مصلحت لاشیلدی.
ترکمنستانینگ، آذربایجان ریسپوبلیکه سینینگ، گوروزیانینگ، ترکیه ریسپوبلیکه سینینگ و اوغانستان اسلام ریسپوبلیکه سینینگ آراسیندا اوست آشیر و اولاغ خزمتداشلیغی حقیندا (لاپیس لازولی) ایلالاشیغینگ واجیپلیغی بارادا آیراتین بللنیپ گچیلدی. مالم بولشی یالی، طراپلار اولاغ و آراغاتناشیق اولغامیندا دوردیلن اوز آرا حرکت لرینگ اوچ طراپلایین حکومت آرا فورمتینگ چاکلرینده لاپیس لازولی گچیلگسینینگ ممکین چیلیک لرینینگ برکیدیلمگینه ایترگی برماگه مییللی دیرلر.
مدنی-انسان پرور غاتناشیق لاری گینگلتمک مسله لری بارادا هم پیکیر آلشیلدی.
ترکمنستانینگ و آذربایجانینگ خلق لارینی برک تاریخی، مدنی و روحی غیمتلیقلارینگ بیرلشدیریاندیگی هم بللنیلیپ گچیلدی. ترکمنستانینگ باشلانغیجی بیلن قبول ادیلن بیرلشن ملت لر غورمه سینینگ باش آسامبیلیاسینینگ ریزولیوسیاسینا لایقلیقدا خلق آرا پراخت چیلیق و انانیشماق یلی دییلیپ اغلان ادیلن شو یلینگ چاکلرینده بیله لیداکی چاره لری گچیرمگینگ ممکین چیلیکلری هم آرا آلنیپ مصلحت لاشیلدی.
