کیم نامه دییور بیز نامه اشتیورس
افغانستان ترکمن لری همه دوره ده ده اوز حق لرینی آلیپ بیلمان باشقه لاری طرفندن اولانیلیپ گلیار.
ترکمن لرینگ یخشی نیتی نی فرصت بیلن لر غووی سوزلر بیلن اولری اولانماق اوچین اللریندن گلنی ادیارلار.
اینگ سونگقی بولیپ اوتن واقعه لاردان بیرینی آیدیپ برسم 3 آیدن غووراق بولیار عبدالروف آدیندا برترکمن چاغه سی نابللی کیشی لر طرفندن غاچیریلدی وحالا اوندن خبر یوق.
ترکمن لر بولسه ایسسی سووق دیمه دن بلخ حاکم لیگی نینگ اونگینده خیمه غوراب امیدلرینی ییترمان اوتریار.
باشقه ملیت لردن هم انسان لار بول اوتیریش لیغه غولداو برمک اوچین خیمه گلیپ گیدیار یونه بعضی سیاست چی لر بولسه بول خیمه ده اوزلری اوچین قهرمان لیق ییرلرینی آختریار.
گچن گونلرده خیمه گلیپ دردلشن لردن بیری هم قومندان لردن بیری بولان نظام الدین قیصاری دیر.
قیصاری دوغریدن هم دردلشمک اوچین می گلدی دیسنگیز یوق دییپ جواب بررین نامه اوچین دین ده اول اوز وظیفه سینی ییرینه گتریار.
مرکز حکومتی نینگ بلخ ولایتینده بعضی مافیا گویچ لرینه غارشی اولانماق اوچین حاضر توتدیغی قیصاری خیمه داکی چقیشینده ”ترکمن لرینگ بلخ ولایتینده حق ایتدیک لری ییره اییه بولان دال” دییپ آیدن سوزلرینینگ آیراتین بیر معناسی بار.
نامه اوچین دیینده ترکمن لرینگ خیمه سی قیصاری نینگ اوز سسی نی بلخ رسمی لرینه آنگسادراق یتیریپ بیلجگی بیر ییردیر.
قیصاری باردا ادن چقیشینده باشغه نارسه لره ده اونس چکیپ بلخ ولایتینداکی غاچیرمه واقعه لرینینگ همه سی نینگ آرقه سینده اونگی والی استاد عطانینگ باردیغی نی آیتدی وقیصاری نینگ بول سوزلری سیاست میدانینده تازه بیر چکه لشیگه یول آچدی.
قیصاری نینگ بارداکی مقصدی ترکمن لرینگ دردی دال ده سووی لایقه ادیپ بالیق توتماق ایسله یار.
نامه اوچین دیین ده ترکمن لرینگ حقی دینگه بلخ ولایتینده دال ده جوزجان وهم ده فاریاب ولایت لرینده ده ییرلری حاکمیت لر طرفندن اییلیپ اوتیر.
قیصاری اورتالیغی بولاندیریپ گلدی گیتدی یینه خیمه ترکمن لره غالدی شونی هیچ وقت اونوتمالین گونیمیز اوسن دنیاسینده اوز گوبگینگی اوزینگ کسمه سنگ باشقه لارینه ایمت بولارسینگ.
