میراثه بویسانماق
ملی میراث انسان کامیلیگینینگ گوزباشی دیر،همده گوزالیگینگ آلتین تاجی دیر.مردانه پدرلریمیزینگ دورادان میراثی بیزینگ ملتیمیزینگ اوچ ماجک روحی چراغی همده بهاسینه یتیپ بولماجق گنج خزینه دیر.
عصرلردان عصرلره،نسل لردان نسل لره گچیپ،کامیل لیک درجه سینه ییتان عجایب داستان لرمیز،اوزینه بند ادیجی ارته کی لرمیز ( افسانه ) ،روایت دیر تمسال لرمیز، نقل لرمیز، غانت لی سوزلریمیز ( ضرب‌المثل )،ماتل لریمیز،ساناواج لریمیز،مهربان زنان لریمیزینگ، گلین- غیزلریمیزینگ گوزال شغریتی بولان هودی لرمیز همده طوی اَیدیم لاریمیز، لاله لاریمیز،بیز ملتیمیزینگ تاریخی میراثی،دورمش مکتبی دیر. ” اوغوز نامه لار ” ، ” قورقت آته ” ، ” گوراوغلی ” ، ” شاه سنم- غریب ” ، ” زهره – طاهر ” ، “صایتلی -همراه ” یالی اثرلرمیز اوز ملی غمتینی،ملی روحینی یتیرمان بیزینگ گون لاریمیزه گالیپ ییتان دردانه اثرلاریمیز ترکمن خلقیمیزینگ ادبی فلسفه سی دیر.
عقل – پایخصینگ، یتی آنگینگ، سخن گویلیگینگ ایه سی بولان فراصت لی پدرلریمیزینگ دورادان نقل لری ده ادبیاتیمیزینگ ایریلمز بر بولاگی بولیپ ادبیات بوستانیمیزینگ گل لرینی آرتیریپ گورکینه گورک غوشیار.
نقل لریمیز خلقیمیزینگ یاشایش دورمیش تجربه لارنی،دنیا غارایشینی،داپ دستورینی،یخشی لیق- یمن لیق حقینداکی فلسفه وی غارایش لری اوزینه جمع لاپ دیر. ادبیاتیمیزی،داپ دستوریمیزی اوز ملی لیگیمیزی دیکلت- مک همده اوستیرمک بیزلرینگ هر بیریمیزینگ مقدس بورجیمیز دیر.
نقل لر: خبر اوق دان تیز گیدار . حق بنده سی حقه چاپار، یامن اوز فالیندان تاپار. حق دیین حالی غالمز. حقیقتی تیغ کسمز. حرام کیف ینگ حسابی بار. حسابی پاک بولماغینگ یوزی آق بولمز. یَاغی غایدان سونگ، باتر کوپالار. یامانینگ زیانی ایلینه یتر، گوریبینگ کی اوزینه.
یگیت ایشه، غری آشه. یری یوق ده، وطن یوق. اُویم بار اولکام بار، دایم بار غاناتم بار، آتام بار قواتم بار. آلتین اوده بیلینار، آدم زحمت ده . آلتین- کومیشینگ کهنه سی بولماز، آته- انه نینگ بهاسی بی صبر غول تیز یولوغار بلاغه صبرلی غول دورابارا شاد بولار. آرتان- اگسان، غالان یوک.، نَر یانینده بلی دیر.
