ترکمنستانینگ داشاری ایشلر مینیستری اوغانستانینگ ملی اسلام حرکتی پارتیاسینینگ یولباشچی سی بیلن دوشوشدی
ترکمنستانینگ داشاری ایشلر مینیستری رشید مردوفینگ عشق آبادا ایش ساپاری بیلن گلن اوغانستانینگ ملی اسلام حرکتی پارتیاسینینگ یولباشچی سی مارشال عبدالرشید دوستم بیلن دوشوشیغی گچیریلدی.
ایشجنگ یاغدایدا گچیریلن صحبتدشلیگینگ باریشندا نتیجه لی ترکمن – اوغان اوزآرا حرکت لرینگ گون ترتیبی بویونچا پیکرلری آلیشیلدی. ترکمنستانینگ و اوغانستانینگ آراسنیداقی یوقاری درجه ده غازانیلان الالاشیق لارینگ اهلی اغورلاردا دورموشه گچیریلمگی مقصدی بیلن، ایکی طراپلایین غاتناشیق لارینگ نتیجه لی اوسدورلیاندیگی بللنیلدی.
اوغانستانینگ ملی اسلام حرکتی پارتیاسینینگ یولباشچی سی ترکمنستانینگ باش توتانینگ غونگشی دوغانلیق یورتدا پراختچیلیغینگ و خوپ سوزلیغینگ پوغتالاندیریلماغی، شیله ده اوغانستانینگ همده اونونگ خلقینینگ دورنوقلی اقتصادی اوسوش یولونا انته گریرلنمگی بویونچا تاغلا لارینینگ اهمیتینی آیراتین بللاپ گچدی.
بو اغوردا ترکمنستانینگ پریزدینتینیگ اوغان طراپینینگ ایشجنگ چکیلمگی بیلن نتیجه لی سبیتلین اوزآرا حرکت لرینگ ایشجنگلشدیریلمگینه و اوسدورولمگینه گونوکدیریلن باشلانغیچ لارینا یوقاری بها بریلدی.
طراپلار انرگیتیکا، کمونیکاسیا، اولاغ و بیلکی اغورلی تاسلاما لارینگ دسین دورموشه گچیریلمگی بابتیندا بیله لیکداکی تاغلالارینگ اوتغاشدیریلماغینا اغرارلی دیقلارینی نیغتادیلار. شونلوقدا تاپی غاز گچیریجی سینینگ، تاپ الیکتریک گچیریجی سینینگ، شیله ده ترکمنستاندان اوغانستانا تازه دمیریول یول لارینینگ چکیلمگی یالی گلجگی اولی تاسلامالارینگ اوز وغتیندا و طلبا لایق دورموشه گچیریلمگینه اوزآرا غیزیقلانما بیلدیریلدی.
صحبتدشلیگینگ چاکلرینده طراپلار ترکمنستان طراپیندان اوغانستانینگ و توتوش سبیتینگ دورموش اقتصادی تایدان خاص هم اوسدورولمگینه گونوکدیریلن ایری موچبرلی انفراستروکتورا تاسلاما لارینینگ دورموشه گچیریلمگینینگ درواییس حاصیتینی بللاپ گچدیلر. مالم بولشی یالی، بو دسغالار اقتصادی تایدان تاثیرلی بولان ایش یرلرینینگ دوردیلمگینه، شول بیر وغتینگ اوزونده هم اگیرت اولی گوروملی تاسلامالارینگ دورموشه گچیریلیان سبیتینداکی ایلاتینگ باغتیار دورموشینینگ خاصدا اوسدوریلمگینه گونوکدیریلن بولوپ دوریاندیر.
ترکمن طراپی پراختچیلیقلی اوغان آرا گپله شیک لرینینگ ایلردیلمگی مقصدی بیلن ایشجنگ اوزآرا حرکتلری دوام اتماگه، شول ساندا انونگ گلجککی تاپغیرلارینینگ گچیریلمگی اوچین اوزونینگ سیاسی گینگیش لیگینی برماگه تیارلیغینی ینه ده بیر گزک تاسیقلادی.
گپله شیکلرینگ باریشندا طراپلارتوتوش سبیتده پراختچیلیغینگ، دورنوقلی اوسوشینگ، دورنوقلی لیغینگ و خوپ سوزلیغینگ غازانیلماغی اوغورندا دگیشلی غورالارینگ خاص هم گویچلندیریلمگینینگ و کامیلیشدیریلمگینینگ ضرورلیغینی آیراتین نیغتادیلار.
