ترکیه وافغانستان دوستلیغی نینگ 100 لنجی ییل آیلامی مزارشریف شهرینده غوتلاندی
افغانستان ینگ دمیرغازیغینداکی بلخ ولایتینده ترکیه یوردی نینگ مزارشریف شهرینداکی قنسل ایغی وبلخ والیلیغی بیلن بیله لیکده ایکی یوردینگ 100 لنجی دوستلیق ییل آیلامی نی غوتلادی.
بلخ والیلیغینده گچیریلن چاره مزارشریف شهرینداکی ترک غورامه لری نینگ نماینده لری وداشاری یورت لارینگ مزارشریف داکی دیپلوماتیک وکیل لری وهم ده مهمان لار غاتناشدی.
بلخ والی سی محمدفرهاد عظیمی بول چاره ده چقیش ادیپ ایکی یوردینگ آراسینداکی دوست لیق غاتناشیق لرینگ موندن بیلاک هم دوام ایتمه سی نی ایسته دیک لرینی بلله دی.
ترکیه نینگ افغانستانه اولی خدمت لر ایتدیگی نی بیان ادن عظیمی, یاقینده مزارشریف شهرینداکی یوللاردان بیریسی نینگ آدینه ایکی اولکه دوست لیق یولی غوییلجاق دیغی نی بیلدیردی.
ترکیه نینگ مزارشریف شهرینداکی باش قنسلی سمیع لطفو تورغوت هم چاره نینگ دوامینده چقیش ادیپ ایکی یوردینگ آراسینداکی دوغن لیق غاتناشیق لاری نینگ اساسی تاریخی نینگ مونگ ییل لار اونگندن چشمه آلیپ غایتیاندیغی نی آیتدی.
چاره نینگ سونگینده ایکی یوردینگ دوست لیغی نینگ 100 لنجی ییل لیغی مناسبت بیلن کیک کسیلدی.
