ترکیه ازبکستانینگ سمرقند شهرینده قنسولچیلیق آچجاق

ترکیه نینگ تاشکنت داکی ایلچیسی اولغان بکار، ترکیه جمهوریتی نینگ ازبکستان ینگ غاراشسیزلیغینی 1991-نجی ییلدا تانایان ایلکینجی اولکه بولاندیغینی و تاشکنت ده ایلچیلیخانه آچان ایلکینجی یورت بولاندیغینی یادلاتدی و تاریحی تایدان جوغابکارچیلیگه اییه بولان ترکیه نینگ ازبکستان دا قنسولچیلیق آچجاق ایلکینجی یورت بولاندیغینا اونس چکدی.

ازبکستانه تازه ایلچی بولوپ باران بکار، ترکیه نینگ سمرقندداکی قنسولچیلیغی نینگ 7-نجی مارت دا داشاری ایشلر وزیری مولود چاووش اوغلی نینگ غاتناشماغیندا آچیلجاقدیغینی بیلدیردی.

اولغان بکار، ترکیه بیلن ازبکستان ینگ غاتناشیقلاریندا ایکی یوردونگ یولباشچیسی رجب طیب اردوغان و شوکت میرضیایف ینگ تاغاللالاری بیلن اولی ادیملر ادیلِندیگینی یادلاتدی و، “سمرقندده آچیلجاق ترکیه نینگ قنسولچیلیغی، اوزآرا غاتناشیقلاریمیزا اولی غوشانت غوشجاقدیر. بو قنسولچیلیق سیاسی، اقتصادی، مدنی، تجاری و بشری غاتناشیقلاریمیز باشدا بولماق بیلن بوتین پوداقلاردا گویچلی دوغانلیق غاتناشیقلاریمیزا اساسلانیان استراتژیک ایشدشلیگه اولی ایترگی بولجاقدیر” دیدی.