اردوغان: ترکیه اولانیان الکتریک توغی نینگ 63 گوتریمینی آراستا انرژی بیلن اوندوریار

ترکیه نینگ جمهورباشلیغی رجب طیب اردوغان ترکیه نینگ اولانیان الکتریک توغی نینگ 63 گوتریمینی اوزی نینگ اوندوریاندیگینی بیلدیردی.

عدالت و اوسوش حزبی نینگ باشلیغی اردوغان، حزبی نینگ ترکیه نینگ بیک میللت مجلیسینداکی توپار مصلاحتیندا چیقیش اتدی و معراج گیجه سینی غوتلادی.

اردوغان ترکیه نینگ اوچونجی سونداژ گامیسی فاتیح ینگ فیلوس اسکله سینده تیارلیق گوریاندیغینی و آپریل آییندا سونداژ ایشینه باشلاجاقدیغینی آیتدی.

اوچ سونداژ گامیسی نینگ 450 میلیون دلارا آلیناندیغینی آیدان اردوغان گامیلری اوزلری اوندورمان حالاتیندا اونونگ 2 میلیارد 100 میلیون دلار چیقدایجیسی نینگ بولوپ بیلجکدیگینی بیلدیردی.

اردوغان “بو سونداژ گامیلرینی کیرالان بولسادیق اوندا یاسالماغیندان کوپ پول توله مه لی بولجاقدیق. شیله لیک بیلن چونگغور دنگیز سونداژی تکنولوژیسینه اییه بولان سانلیجا شرکتلرینگ بیرینه اییه بولدیق” دیدی.

طبیعی گاز مسئله سینده داشاری یورتلارا باغلی بولماغی اولی موچبرده آزالداندیقلارینی بللان ترکیه نینگ جمهورباشلیغی، اوتن ییل ترکیه نینگ اولانان الکتریگی نینگ 63 گوتریمینی اوزونینگ تمیز انرژی بیلن اوندورندیکلرینی آیتدی.

اردوغان بریلن غولداولار بیلن ماغدان اونوملری ساتووینی 680 میلیون دلاردان 4.3 میلیارد دلارا یتیرندیکلرینی ده سوزلرینه غوشدی.