افغانستان ترکمن لری نینگ یللاردیر چاپ ادیلیان گوراش جریده سی یاپیلدی

افغانستان ترکمن لری نینگ دیلینده 43 ییلدن باری چاپ ادیلیپ گلیان گوراش جریده سی سباب سیز ییره یاپیلدی.

افغانستان قوم لر وقبیله لروزیرلیگی طرفندن چاپ ادیلیان جریده افغانستان ترکمن لری نینگ کلتوری نی تاناتیان یکه تاک رسمی جریده حکمنده تی.

ترکمن شاعر ویازوچی لری بول جریده نینگ اوستی بیلن اوز شعر ویازیلرینی اوقوچی لره هودورلیارلرتی.

طالبان حکومتی بول جریده نینک یاپیلمه سی اوغرینده انتک بیر بیانات بیرمه دی وسبابینی ده اعلات ایتمه دی.

افغانستان تاریخینده ایلکینجی گزه ک ملی رادیو تلویزیونینده 1972 لنجی ییلینده ترکمن دیلینده یاییلیم باشلانتی وگوراش جریده سی ده 1978 ییلینده اوز ایشینده باشلادی.

سونگقی 20 ییل ایچرسینده افغانستان ترکمن لری نینگ اونگده گلن لری طرفندن بیرکان سوسیال مدیا حساب لرینده صحیفه وچینل آچیلانتی.

ناچه وقت اونگ هم ترکمن دیلینده ایلکینجی گزه ک یاییلم ادن بیر رادیو جوزجان ولایتینده آچیلانتی یونه طالبان ینک حکومت باشینه گلمه سی نینک ایزی بیلن اقتصادی غیین چی لیق لر سباب لی یاییلیمی نی سوسیال مدیا اوستی بیلن باشلادی.

حاضرکی وقت ده افغانستان ینک ایجینده ترکمن دیلینده یاییلیم ادن تولقین نیوز آدینده بیر خبر غوللیغی وتولقین آدینده ده بیر غزیت بار.