اردوغان: یونانستان ینگ اۆستی بیلن بیزه اوُینالان اوُیونی بیلیأریس

ترکیانینگ جمهورباشلیغی رجب طیب اردوغان ترکیا غارشی یونانستان ینگ اوستی بیلن اوینالان اویونی دوشونیاندیکلرینی آیتدی.

عدالت و اوسوش پارتیاسی نینگ دا باشلیغی بولان اردوغان ترکیانینگ بیک مللت مجلیسینده اوز حزبی نینگ توُپار مصلاحاتیندا بیانات بردی.

اردوغان ایزمیرده گچن هپده گچیریلن افس 2022 تۆرگِنله شیگی بیلن اژه دنگیزیندأکی یاغدایلار بیلن باغلانشیقلی سؤزلرینی آچ آچان اشیدیلمه گی گِره‌کلی یرلرده اشیتدیرندیکلرینی بیان اتدی.

ترک یولباشچی شیله دوام ایتدی:

“تاریخدا همیشه بولشی یالی بیریلری طرفیندان کِلچِردیلیپ اوستومیزه ایبریلن یونانستان ینگ اۆستی بیلن یوردومیزا غارشی اویون اوُینالیاندیغینی بیلیأریس. مسئله یونانستان ینگ مونی بیلمه‌زلیگی یا دا بو اویونینگ مِیله‌تین آکتوری بولماغیدیر. بیلیانسینگیز فیلم چکیلن ماحالی اینگ کؤپ یادان، دارغانانلار شیله اویونچیلاردیر. اِمما صحنه دا اولارینگ آدی دا آیدیلماز. یونانستان ینگ باشینا گچمیشدن بأری گلِن مسئله بو مسئله دیر. ینه یونانستان یالنگیشلارینا دوام اتسه، باشینا گلجک زات شیله دیر” دیدی.

اردوغان سوئد و فنلاندینگ ناتو غوراماسینا یوز توتماغی باراسینا دا اونس چکدی و

“ناتو مسئله سینده سوئد و فنلاندینگ ترورچیلیق بیلن گؤره‌ش مسئله سینده آچ آچان و توتان یرلی أدیملر ادیانچأ بیزینگ توتومیمیز آصلا اویتگه‌مه‌جِکدیر” دیدی.