لاچین شهری آذربایجان ینگ کنترلی آستینا آلیندی
آذربایجان ینگ جمهورباشلیغی الهام علی یف لاچین شهری بیلن زابوه و سوس اوُبالاری نینگ آذربایجان ینگ کنترولینه گچندیگینی آیتدی.
علی یف “شو گۆن 26-نجی آگوست دا بیز آذربایجانلیلار، لاچین شهرینه اورولدیک. آذربایجان ینگ غوشونی لاچین شهرینده یرلهشدی. زابوه و سوس اوبالاری دا کنترول آستینا آلیندی. شیله لیک بیلن بۆتین لاچینلیلارا و آذربایجان خلقینه غوتلایارین. یاشاسین لاچین! یاشاسین آذربایجان!”
2020-نجی ییلینگ 10-نجی نوُیابریندا 2-نجی قاراباغ سواشیندان سونگرا آذربایجان، ارمنستان و روسیه اۆچ طرفلی ایلالاشیق شرطناماسینا غول چکیپدی.
شوُل ایلالاشیغا گورا واغتلایین غالیان روس گویچلری و ارمنی رایاتلاری لاچین کریدوری دییپ بیلینیان لاچین شهری و زابوه و سوس اوبالاریندان چیقدی.
آذربایجان بولسا 3 ییلدا قاراباغ داقی ارمنی لرینگ ارمنستانه گچمه گی اوچین لاچین شهری نینگ داشیندا بیر یول سالجاقدی.
آذربایجان 32 کیلومترلیک یولی ایر تماملادی.
آذربایجان ینگ قاراباغ بؤلگه سینده یاشایان ارمنیلر ارمنستانه گیدیپ گلمه ک اوچین تازه یولی اولانار.
تازه یولونگ امنیتی نی دا روس گۆیچلری برکیدهر.
لاچین و اوبالاری 1992-نجی ییلدا ارمنی غوشونی طرفیندان اشغال ادیلیپدی.
اشغالدان سوُنگ لاچین شهرینه سوریه و لبنان دان گتیرلن ارمنیلر یرلهشدیریلیپدی.
