ترکیانینگ یر تیترهمهسینده ضرر گؤرن ولایتلاریندا 3 آیلیغینا عاداتدان داشاری یاغدای اعلان ادیلدی
ترکیأنینگ جمهورباشلیغی رجب طیب اردوغان قهرامان ماراش داکی یر تیتره مه سی و 10 ولایتینگ ضرر گؤرمهگیندن سونگرا شوُل ولایتلاردا 3 آیلیق عاداتدان داشاری یاغدای اعلان ادیلندیگینی آیتدی.
اردوغان “دینگه جمهوریت تاریحیمیزینگ دأل، ایسه م بو جغرافیامیزینگ و دنیأنینگ اینگ اولی بدباغتچیلیقلاریندان بیری بیلن گؤرهشیاریس” دیدی و “3549 ییتگیمیز، 22 مۆنگ 168 یارالیمیز بار. اینگ اولی بگنجیمیز شو واغتا چنلی 8 مۆنگدن کؤپ یورتداشیمیزی ساغ سالیم ییقیلان یرلردن چیقارماقدیر” دییپ نیغتادی.
ترک یولباشچی “اساسی قانونینگ 119-نجی ماده سیندا بیزه بریلن اختیار بیلن عادتدان داشاری یاغدای اعلان ادیأریس. یر تیتره مه سی بوُلان 10 ولایاتیمیزدا عمومی یاشاییشی اؤز تأثیرینه آلان طبیعی آفات زوُلاغی اعلان ادیأریس” دیدی.
أردوُغان شو واغتا چنلی 54 مۆنگ چادیر، 102 مۆنگ یاتاق و بیله کی أتیأچلرینگ ایبریلندیگینی یاتلاتدی و “ایندیکی وقتدا 53 مۆنگ 317 بارلاغ خلاص ادیشچیمیز بیلن قوُلداو پرسنلیمیز ایشله یأر. هم ایچردن هم داشاری یورتلاردان ایزی گیدرلی یاغدایدا توُپارلار گلیأر” دیدی.
اردوُغان “ژاندارمامیز و مۆنگلرچه بجرمِن پرسنلیمیز بیلن بیله لیکده 26 یۆک اوچاری بیلن، دنگیزیاقا گۆیچلریمیزینگ گأمی و قاییقلاری بیلن طبیغی آپات بوُلان یرده ایش آلینیپ باریلیار. 1000 سانینا یاقین آمبولانس، 241 لوقمانچلیق توُپاری، 2 آمبولانس اوچاری و 5 مۆنگ ساغلیغی قوُراییش پرسنلیمیز ده ایشی نینگ باشیندادیر” دیدی.
أردوُغان شو واغتا چنلی 70 یورت و 14 حالقارا قورلوشیغینگ کؤمِک برمه گی تکلیپ ادندیگینی نیغتادی و ” تلفن آرقالی 18 دؤولت و حؤکۆمت یوُلباشچیسی بیزینگ بیلن حابارلاشدی. یوردومیزی بو قین شرطلرده یکه قوُیمایان بۆتین دوُستلاریمیز و دؤولت و حؤکۆمت یوُلباشچیسینا مینتدارلیق بیلدیریأرین” دیدی.
