ترکیه: جمهورباشلیقلیق سایلاویندا آنیق یاریشجاقلارینگ آدی بِللی بوُلدی

ترکیأنینگ یوُقاری سایلاو مرکزی جمهورباشلیقلیق سایلاویندا یاریشجاق دالاشگأرلرینگ آدینی رسمی قازتده چاپ اتدی.

الفبا گؤرأ ترکیه ده جمهورباشلیقلیق سایلاویندا یاریشجاق دؤرت دالاشگأر بار: کمال قیلیچدار اوُغلی، محرم اینجه، رجب طیب أردوُغان و سینان اوُغان.

ترکیه ده جمهورباشلیقلیق و 28-نجی دؤوۆر پارلمان سایلاوی یکشنبه 14-نجی مای دا گچیرلر.

جمهورباشلیقلیق سایلاوی ایکینجی اِتابا گچسه ایکینجی اِتاپ 28-نجی مای دا گچیرلر.

جمهورباشلیقلیق سایلاویندا دالاشگأرلرینگ بیری نینگ بریلن سِسلرینگ 50+1 گؤتریمینی آلماغی ضروری.