بردی محمدوف: ترکمنستان بیلن ترکیه بیر میللت، ایکی دولت

ترکمنستان ینگ خلق مصلاحاتی نینگ باشلیغی و اوزالقی جمهورباشلیغی قوربان قولی بردی محمدوف ترکیانینگ جمهورباشلیغی رجب طیب أردوُغان و عیالی امینه اردوغانا خط اوغراتدی.

ترکمنستان غازتینده چاپ ادیلن خطدا ترکمن- ترک دوُغانلیغینا اۆنس چکن بردی محمدوف “ایلکی بیلن ترکمنستانا و ترکمن خلقینه تۆیس یۆره‌کدن یوُقاری درجه ده قوُییان حرماتینگیز، ترکمنستان و ترکیه جمهوریتی نینگ آراسینداقی دوُست- دوُغانلیغی، همه طرپلایین حیذماتداشلیغی موندان بیلأک ده برکیتمِه‌ک ایشینه قوُشیان أگیرت اولی قوُشاندینگیز اۆچین مینتدارلیق بیلدیریأریس” دییپ یازدی.

بردی محمدوف ترک خلقلاری نینگ اؤسۆشی نینگ حأضیرکی زامان دۆنیأسی نینگ أهمیتلی مسئله لرینی چؤزمِکده تاغاللالاری بیرلشدیرمأگه، أهلی عمومی پاراحاتچیلیغی، حوُوپسوزلیغی، دورنوقلیلیغی برکیتمأگه قوُشانت قوُشیاندیغینی سؤزلرینه قوُشدی.

ترکمنستان ینگ ترکیأنینگ 30-نجی مارت زینگیندیسیز اؤنۆمچیلیگینگ حالقارا گۆنی حؤکمۆنده ایغلان اتمه ک باراداقی باشلانغیجی بوُیونچا بیرلشن میللتلر قوراماسی نینگ 2022-نجی ییلینگ 14-نجی دکابریندا قابول ادیلن قارارناماسی نینگ قوُلداییجیسی بوُلاندیغینا اۆنس چکن قوربان قولی بردی محمدوف بو قارارناما قوُلداو بریأندیکلرینی بیلدیردی.

بردی محمدوف ” ترکمنستان دا و ترکیه ده یاشایان آداملارینگ آراسیندا دوُغانلیق قاتناشیقلارینی ایزی گیدرلی برکیتمه گینگ بیله کی دؤولتلرینگ حالقلاری نینگ آراسینداقی دؤره دیجیلیکلی، حأصیه تلی قاتناشیقلاری اؤسدۆرمأگه یاردام برجکدیگینه اینانیاندیغینی” نیغتادی و أردوُغان و عایالینا برک جان ساغلیغی و آبادانچیلیق و تۆرکیه حالقینا پاراحاتچیلیق، باغتیارلیق و گۆللأپ اؤسۆش آرزوو اتدی.