ترکمنستان افغانستانه انسان پرور کمک اوغراتدی
ترکمنستان دولت باش توتانی سرداربردی محمدوف ینگ قراری بیلن اغرامی ۱۲۵ تون لیق بولان انسان پرورکمک کرونی افغانستانه دوغری یولا چقدی.
کمک لرینگ ایچینده درمان سریشده لری لقمانچیلیق انجام لری آذوق ودوقمه اونوملری ییر آلیور.
ترکمنستان ینگ دولت باش توتانی نینگ قراری بیلن بول انسان پرورلیک چاره لری نینگ بیربوله گی حکمنده ساغلیغی غوراییش ودرمان صناغاتی وزیرلیگی نینگ لقمان ایشکارلری نینگ بیر توپاری ۲۰۱۶ ییلنده هرات ولایتی نینگ تورغندی اوبه سینده ترکمنستان طرفندن غورنالان چاغه دوغورولیان اویینده لقمانچیلیق مصلحت بریش کمگی نی عمله آشیرماق اوچین شول ییلینگ ۱۵ لنجی ماینده انسان پرورحکمنده گیدر.
ترکمن خلقی نینگ قدیمدن گلیان انسان پرورلیک داپ دستور ویورلگه لرینه اساس لانیان بول گینگیش لین انسان پرورلیک چاره سی ترکمن دولتی نینگ افغانستانه کوپ ییللارینگ دوامینده غولداوبرمک بویینچا آلیپ باریان ایشلری نینگ دوامی بولماق بیلن ترکمن وافغان خلق لری نینگ آراسینده داپ بولان دوست لیق دوغن لیق وخوش نیت لی غونگشیچیلیق لرینی اوسدیرماگه خدمت ادر.
