اؤزبگیستان ینگ جمهورباشلیغی آذربایجاندا ساپاردا بوُلدی
اؤزبگیستان ینگ جمهورباشلیغی شوکت میرضیایف دؤولت ساپاری بیلن آذربایجان دا ساپاردا بوُلدی.
آذربایجان ینگ جمهورباشلیغی الهام علی یف باکودا اؤزبک میهمانینی رسمی دابارا بیلن قارشیلادی.
رسمی دابارادان سوُنگرا ایکی یوردونگ باشتوتانی اؤزآرا دوشوشیق گچیردی.
علی یف بیلن میرضیایف بو دوشوشیقدا ایکی یوردونگ استراتژیک شأریکلیگی و آراقاتناشیغینگ اؤسدۆریلمه گی باراسیندا گِنگِهشدی.
ایکی یوردونگ جمهورباشلیغی پارلمان آرا، حؤکۆمت آرا، داشقی سیاسات و دۆرلی پوداقلارداقی آراقاتناشیغا بگنچ بلدیردی.
اؤزآرا دوشوشیقدان سوُنگرا توُپارآرا دوشوشیغا گچیلدی.
توُپارآرا دوشوشیقلارینگ نتیجه سینده ایکی یوردونگ دؤولت، حؤکۆمت و قورامالاری نینگ آراسیندا 15 ایلالاشیق شرطناماسینا قوُل چکیلدی.
اؤزبگیستان ینگ جمهورباشلیغی باکوداقی شهیتلر خیابانیندا آذربایجان ینگ شهیتلرینه ده حوُرمات قوُیدی.
