أردوُغان: تۆرکیأ ادیلیأن هۆجۆملرینگ سبأبی بیزینگ فلسطینه بریأن قوُلداویمیز
تۆرکیأنینگ جمهورباشلیغی رجب طیب أردوُغان سوُنگقی دؤوۆرده تۆرکیأنینگ میللی بقاسینا قارشی هۆجۆملرینگ بوُلیاندیغینا اۆنس چکدی و مونونگ اینگ اساسی سبأبی نینگ تۆرکیأنینگ فلسطین مسئله سیندأکی توتومی بوُلاندیغینی آیتدی.
أردوُغان ایستامبول داقی تۆرکیأنینگ ایشبرنلر سندیکالاری نینگ کنفدراسیونی نینگ اوُرتاق پایلاشیق فوُرومیندا بیانات بردی.
“سوُنگقی دؤوۆرده میللی بقامیزینگ چشمه سی بوُلان دوُغانلیغیمیزا هۆجۆملر ادیلیأر” دیه ن أردوُغان بولارینگ اینگ اساسی سبأبی نینگ تۆرکیأنینگ اؤز حاق و بأحبیتلرینی قوُراماغی و فلسطین مسئله سینده دیک دورماغی بیلن باغلانشیقلی بوُلاندیغینی آیتدی.
تۆرک یوُلباشچی “کؤپۆسی چاغا و زنانا بوُلان 23 مۆنگ بی گۆنأ آدامینگ اؤلدۆریلن یری بوُلان غزه ده یوردومیز فلسطینلی مظلوملاری قوُلدادی، حاقی و حقانیتی قوُرقمان قوُرادی” دیدی.
ترورچیلیق بیلن گؤرهش مسئله سینده ده هم یوردونگ ایچرسینده هم سرحدینگ آنگریسیندا دوشمانلارا و مأشهلره آغیر ییتگیلر چکدیرندیکلرینه اۆنس چکن أردوُغان “یاراغلی گۆیچلریمیز و حوُوپسوزلیق گۆیچلریمیز، شر گۆیچلرینگ مأشهسی بوُلان ترورچیلارا دم آلدیرمایا” دیدی.
أردوُغان حالقینگ بیرلیک و بیله لیکده لیگینه پأسگل برمه ک ایسله یأنلرینگ بۆتین تاغاللالارینی پوجا چیقارجاقدیقلارینی آیتدی.
