کابل ده ”سبت خدماتداشلیغی نینگ مقصدنامه سی” ییغناغی گچیریلدی
افغانستان ینگ پایتختی کابل شهرینده غونگشی یورتلر هم ده کابل داکی داشاری یورت ایلچیخانه لری نینگ وکیل لری نینگ غاتناشماغینده ”سبت خدماتداشلیغی نینگ مقصدنامه سی” ییغناغی گچیریلدی.
ییغناغه ترکیه ترکمنستان اوزبکستان قزاقستان هندستان روسیه چین پاکستان واندونیزیانینگ وکیل لری غاتناشدی.
ییغناغینگ باشینده چقیش ادن افغانستان اسلام امیرلیگی نینگ داشاری ایشلری وزیری امیرخان متقی بیرلشن ملت لر غورامه سی نینگ افغانستان اوچین گچمیش زمان لرده بلله دیگی پلان لرینگ اوروش ودورنوقسیزلیقدان باشقه بیر نتیجه برماندیگی نی آیتدی.
اسلام امیرلیگی نینگ باشغه یورت لرینگ حکومت سیستم لرینه بهبیت لرینه سایلاولرینه ودولاندیریش غورولیش لرینه حرمت غویاندیغی نی بیلدیرن متقی ”باشغه لری دا بیزینگ حکومتیمیزه دولاندیریش غورولیش لریمیزه وسایلاولریمیزه حرمت غویمالی ” دیدی.
متقی نینگ آیدیشینه گوره افغانستان یاریم عصردن باری کوپ غینچیلیق لری باشدن گچیردی وسبتداکی یوردلارینگ خوفسیزلیق لری نینگ اربت بولماسی نی ایسله میور.
