اسلام امیرلیگی اورتا آسیا یورتلری بیلن سودا آراغاتناشیغی نی آرترماق ایستیور
افغانستان اسلام امیرلیگی نینگ صناعت وسودا وزیرلیگی افغانستان ینگ مرکزی آسیا یورتلری بیلن سودا آراغاتناشیغی نی گویچلندیرمک ایسته دیگی نی بیلدیردی.
وزیرلیگینگ سوزچی سی عبدالسلام جوادینگ آیدیشینه گوره افغانستان ینگ گچن ییلی مرکزی آسیا یورتلریندن ایمپورت (واردات) خریدلری نینگ بهاسی ۱.۴ میلیارد دالره سبیته ادیلن صادرات ینگ بهاسی بولسه ۱۰۰ میلیون دالره برابردیغی نی آیتدی.
سوزچی جواد, مرکزی آسیا یورتلری بیلن بولان سودا آراغاتناشیق موچبرینی دنکلشدیرمک اوچین اوغراشیاندیقلرینی بیان ایتدی.
اونینگ بللیشینه گوره افغانستان دن شول یورتلره ادیلن صادرات ینگ کوپارگینی تازه میوه وغورادیلان میوه دوزیار.
صناعت وسودا وزیرلیگی نینگ ایستاتیستیگینه گوره افغانستان ترکمنستان بیلن ۴۱۷ دالر واردات و ۱ میلیون دالر صادرات ازبکستان بیلن ۲۱۴ میلیون دالر واردات و ۱۹ میلیون دالر صادرات, قزقستان بیلن ۱۸۹ میلیون دالر واردات و ۳۲ میلیون دالر صادرات، تاجیکستان بیلن ۲۰ میلیون دالر واردات و ۱۹ میلیون دالر صادرات، قرقیزستان بیلن ۱ میلیون دالر واردات و ۷ میلیون دالر صادرات و روسیه بیلن ۳۱۵ میلیون دالر واردات و ۴ میلیون دالر صادرات سودا آراغاتناشیغی بولیپ گچدی.
وزیرلیگینگ برن معلوماتینه گوره یاقین وقتده ترکمنستان یوردیندا افغانستان تاجرلری نینگ غاتناشماغی بیلن اولی بیر سرگی گچیریلر.
