أردوُغان آمریکادا
تۆرکیأنینگ جمهورباشلیغی رجب طیب أردوُغان ناتونینگ دؤولت و حؤکۆمت یوُلباشچیلاری نینگ ماصلاحاتینا قاتناشماق اۆچین واشنگتن دا ساپاردا بوُلیار.
أردوُغان، عایالی امینه أردوُغان بیلن ناتونینگ 75-نجی ییللیغینا باغیشلانان چأرأ قاتناشدی.
تۆرک یوُلباشچی و بیله کی یوُلباشچیلار حاطیرا صوراتینا دۆشدی.
دابارادا ایکینجی جاهان اورشی، ناتونینگ قورولماغی، بوسنیا ساواشی، کریمه نینگ روسیا تاراپیندان آلینماغی و روسیا- اوکراینا ساواشی یالی دۆرلی واقالار حاقیندا ویدئو گؤرکِزیلدی.
بو چأره دن سوُنگرا أردوُغان قالیان هتلینده مجاریستان ینگ باش وزیری ویکتور اوربان بیلن دوشوشدی.
دوشوشیقدا تۆرکیه بیلن مجاریستان ینگ اؤزآرا قاتناشیقلاری، تۆرکیأنینگ اوروپا بیله له شیگینه قوُشولشماغی و بؤلگه آرا و حالقارا مسئله لر حاقیندا گنگه شیلدی.
تۆرک یوُلباشچی تۆرکیأنینگ اوکراینا- روسیا ساواشی و ایسرائیل ینگ غزأ ادیأن هۆجۆملری نینگ دوروزیلماغی اۆچین پاراحاتچیلیقلی تاغاللالارینگ دوُوام ادیأندیگینی بیلدیردی و حالقارا جمغیتچیلیگینگ بو بؤلگه ده پاراحاتچیلیغینگ یوُلا قوُیولماغی اۆچین موندان کؤپ تاغاللا اتمه لیدیگینی نیغتادی.
أردوُغان مجاریستان ینگ واغتلایینگ یوُلباشچیلیغیندا تۆرکیأنینگ اوروپا بیله له شیگینه آغضالیق اتابی نینگ یانگاداندان جانلاندیریلماغی و قاتناشیقلارینگ اؤنگه آلیپ باریلماغی مسئله سینده قوُلداوا قاراشیاندیقلارینی دا دیله گتیردی.
