تۆرکمنیستان بیلن ایران ینگ آراسیندا ایلالاشیق شرطنامالاری باغلاشیلدی

تۆرکمنیستان ینگ میللی یوُلباشچیسی و حالق ماصلاحاتی نینگ باشلیغی قوربان قولی بردی محمدوف تهران دا ایش ساپاریندا بوُلدی.

بردی محمدوف بیلن ایران ینگ جمهورباشلیغی مسعود پزشکیان دوشوشیق گچیردی.

دوشوشیقدان سوُنگرا ایکی یوردونگ آراسیندا 4 ایلالاشیق شِرطناماسینا قوُل چکیلدی.

ایکی یوُلباشچی سوُنگرا مطبوغات کنفرانسینی گچیردی.

ایران بیلن تۆرکمنیستان ینگ حیذماتداشلیغی نینگ تاریحی گچمیشی باردیغینی آیدان بردی محمدوف ایرانلی دوُغانلاریمیز بیلن حیذماتداشلیق اتمأگه همیشه أهمیت بریأریس و بو حیذماتداشلیغی یوُقارلاتماق اۆچین تاغاللا ادیأریس” دیدی.

قوربان قولی بردی محمدوف طبیغی گاز، انرژی، الکتریک توُغی، قاتناو و یوُل یالی اولی پروژه لر حاقیندا گنگه شندیکلرینی یاتلاتدی و ایران ینگ جمهورباشلیغی مسعود پزشکیان-ی ماغتیم قولی پئراغی نینگ تۆرکمنیستان دا گچیریلجک داباراسینا چاغیردی.

ایران ینگ جمهورباشلیغی مسعود پزشکیان دا ایران بیلن تۆرکمنیستان ینگ آراسیندا استراتژیک ایلالاشیقلار بوُلاندیغینی بیلدیردی.

پزشکیان یاقین واغتدا آشغابات دا بوُلجاقدیغینی دا سؤزلرینه قوُشدی.