تۆرکیه سودان داقی 13 ایالته کؤمِک ایبردی

تۆرکیأنینگ سودانا ایبرن انسانی کؤمِکلری یوردونگ 13 ایالتینه یتدی.

تۆرکیأنینگ آفاد قوراماسی ایول آییندان بأری سودانا کؤمِک ایبریأر.

تۆرک قیزیل آی قوراماسی سودان ینگ قیزیل آی قوراماسی بیلن بیله لیکده بو کؤمِکلری 13 ایالته یتیردی.

تۆرکیه سودان ینگ گۆن دوُغارینداقی پورت سودان شهرینده گؤچمه اؤیلرده قالیانلارا کؤمِک بردی.

گچیریلن دابارا تۆرکیأنینگ خارطوم داقی ایلچیسی فاتیح ییلدیز، تۆرک قیزیل آی قوراماسی نینگ آفریقا دوُلاندیریجیسی آلکس جک رمیو سودان ینگ قیزیل آی قوراماسی نینگ یوُلباشچیلاریندان آیدا سید عبدالله قاتناشدی.

تۆرکیأنینگ ایلچیسی فاتیح ییلدیز “سودان ینگ دؤرت کۆنجه گینده اؤیلریندن داش قالان حالقا تۆرک دوُغانلاری نینگ کؤمِکلرینی وسالامینی یتیردیک. بیز خارطوما قایدیانچاق و اوُلار دا اؤیلرینه قایدیانچا بیز کؤمِکلریمیزه دوُوام ادریس” دیدی.

تۆرک قیزیل آیی نینگ آفریقاداقی دوُلاندیریجیلاریندان رمی ده 19-نجی ایول دا پورت سودانا یتن گأمی نینگ تۆرکیه دن 2 مۆنگ 408 تن کؤمِک گتیرندیگینی آیتدی.

رمی بو کؤمِکلرینگ سودان ینگ 18 ایالتیندن 13 ایالتینده 151 مۆنگ آداما یتیرلندیگینی آیتدی.